A GUARDA

«Decora o teu Nadal 2019»

O 4 de novembro pecha o prazo para participar na campaña de embelecemento da vila

Infogauda / A Guarda

 Quedan poucos días de prazo para anotarse e participar nunha nova edición dea campaña «Decora o teu Nadal 2019», centrada no embelecemento da nosa vila, de cara a o Nadal, época de lecer e reencontro coa familia e os amigos.

  Deste xeito desde o Concello convidan novamente a todas as asociacións e colectivos guardeses a participar un ano máis e implicarse na decoración de Nadal de espazos públicos do municipio aportando a súa creatividade e bo facer, cunha temática que este ano leva como título «Nadal Mariñeiro», rematando deste xeito o ano 2019 co mar coma protagonista. 

 Cada asociación ou colectivo poderá participar cun máximo de unha proposta, sendo preciso empregar materiais, principalmente de refugallo, non contaminantes e resistentes ao exterior.  

 As bases completas están a disposición dos interesados no Departamento de Cultura do Concello de A Guarda e na web municipal.  

 A data límite para anotarse é o luns 4 de novembro, no Departamento de Cultura do Concello da Guarda, enchendo o formulario de participación. 

 Para máis información pódese contactar no 986 610 000 ou en culturaguarda@gmail.com

 Na edición precedente participaron un total de 11 colectivos guardeses: San Xerome, Os da Foz, Mulleres Progresistas, Alfombristas da Guarda, Coro Arpegios Cantábile, Studio 88, Xamaraina, Fundación Las Samaritanas, Vento Mareiro, Avelaiña e Piueiro.