A GUARDA

A Festa da Langosta e da Cociña Mariñeira centra a programación desta fin de semana na Guarda  

Ademáis hai deportes, exposicións, actuacións musicais, visitas guiadas,... 

 

 Infogauda / A Guarda

 A Guarda acolle do 5 ao 7 de xullo a XXIX edición da Festa da Langosta e da Cociña Mariñeira, un evento gastronómico que congrega a milleiros de persoas no porto da localidade guardesa, e no que se poderán degustar ademais moitos pratos da cociña mariñeira, xa que contará con 24 pratos diferentes -como percebes, calamares, croquetas, empanadas, navallas, polbo, entre outros -, encabezados pola langosta, que terá un prezo de 25€. 

 Para a sobremesa a rosca de xema guardesa, acompañada tamén dos bos viños da D.O. Rías Baixas, subzona do Rosal.  

 Xunto con esta celebración gastronómica A Guarda tamén contará esta fin de semana con outro tipo de eventos e programación de actividades para todas as idades.

Programación 

VENRES 5: 

 Na xornada deste venres continúan as visitas guiadas para coñecer o patrimonio do Monte Santa Trega. 

 Ás 11:30h realizarase a visita guiada ao Castro do Monte Santa Trega, que terá como punto de encontro a vivenda reconstruída do xacemento arqueolóxico e que terá unha duración aproximada de 30 minutos. 

 Ás 12:30h e ás 17:00h terán lugar dúas novas visitas guiadas ao Monte Santa Trega, con punto de encontro no Museo Arqueolóxico (MASAT) e que terán unha duración aproximada de 90 minutos. 

 Estas visitas guiadas son de carácter gratuíto e sen inscrición previa. Para grupos de máis de 10 persoas é obrigatorio facer unha reserva previa chamando ao teléfono 986 610 504. 

 A taxa de acceso ao Monte Santa Trega é de 1€ para adultos e 0,5€ para menores de 14 anos.  

 Praxíteles González Martínez amosándolles unhas maquetas ao alcalde Antonio Lomba e a concelleira Montserrat Magallanes

 O Centro de Interpretación das Fortalezas na Fortaleza de Santa Cruz continúa acollendo a exposición de maquetas e figuras de Praxíteles González Martínez na que se expoñen varias maquetas do artista rosaleiro, como a ponte do Tamuxe, a igrexa de Santa Mariña do Rosal, un muíño serradoiro e dúas vivendas rosaleiras, ademais das maquetas das catedrais de Santiago e Notre Dame. 

 Completa esta exposición unha selección das máis de 40 esculturas realizadas polo artista. 

 Horario de 11:00 a 14:00h e de 18:00 a 21:00h. 

 Entrada: 1€ adultos e 0,50€ ata 14 anos inclusive.  

 Na fin de semana do 5 ao 7 de xullo A Guarda será sede do Campionato Galego de Balonmán Praia, un evento deportivo organizado pola Federación Galega de Balonmán e que chega á Guarda tras pasar polos concellos de Baiona, O Grove e Bueu. 

 O evento na Guarda, cuarta proba das seis que compoñen este campionato, terá lugar nas pistas deportivas do Codesal en Camposancos, onde os máis de 1.000 deportistas participantes en 80 equipos loitarán para acadar o triunfo neste campionato que continúa nos concellos de Moaña e Vigo.  

 Moncho Borrajo

 Este venres ás 21:00h, na Praza do Reló comeza a XXIX Festa da Langosta e da Cociña Mariñeira contando cun pregoeiro de gran prestixio como Moncho Borrajo. Actor, humorista e showman nacido en Ourense. 

 Coa lectura do pregón convídase a participar no evento a todos os veciños da Guarda e da comarca e, como non, os turistas que nos visitan nos seus días de vacacións. 

 Tralo pregón a festa trasládase ao porto da Guarda coa apertura da carpa na explanada ás 22:00h e os interesados xa poderán degustar da gastronomía guardesa.  

 Ademais, o recoñecido cómico, Moncho Borrajo actuará ante o público da carpa ás 22.30h co seu último espectáculo “BORRAJO PERDIDO”. Monólogo cheo de historia, humor, tenrura e un pouco de retranca galega onde interactuará co público. Amosando porque él é o rei da improvisación. 

 Para rematar esta primeira xornada da XXIX Festa da Langosta e da Cociña Mariñeira a partires das 23:30h celebrarase un Serán Mariñeiro con grupos de música tradicional.  

SÁBADO 6: 

 Este sábado continúan as visitas guiadas para coñecer o patrimonio do Monte Santa Trega. 

 Ás 11:30h realizarase a visita guiada ao Castro do Monte Santa Trega, que terá como punto de encontro a vivenda reconstruída do xacemento arqueolóxico e que terá unha duración aproximada de 30 minutos. 

 Ás 12:30h e ás 17:00h terán lugar dúas novas visitas guiadas ao Monte Santa Trega, con punto de encontro no Museo Arqueolóxico (MASAT) e que terán unha duración aproximada de 90 minutos. 

 Estas visitas guiadas son de carácter gratuíto e sen inscrición previa. Para grupos de máis de 10 persoas é obrigatorio facer unha reserva previa chamando ao teléfono 986 610 504. 

 A taxa de acceso ao Monte Santa Trega é de 1€ para adultos e 0,50€ para menores de 14 anos.  

 O Centro de Interpretación das Fortalezas no Castelo de Santa Cruz acolle a exposición de maquetas e figuras de Praxíteles González.

  Horario de 11:00 a 14:00h e de 18:00 a 21:00h. 

 Entrada: 1€ adultos e 0,50€ ata 14 anos inclusive.  

 Dentro da Programación da XXIX Festa da Langosta e da Cociña Mariñeira na xornada do sábado día 6 de xullo o grupo O Trebón dos Xidos serán os encargados da amenización musical xunto co grupo pop Os nenos rebeldes en horario matutino. 

Luís Zahera

 Xa pola tarde haberá inchables acuáticos para os máis cativos e a festa continuará co espectáculo de maxia de Rivel e a actuación do actor galego Luís Zahera co seu espectáculo «Chungo».

 Luís Zahera foi premiado este ano co Goya ao mellor actor de reparto. Moitos galegos o coñecimos como “Petróleo” en Mareas vivas.  

 Rematará a xornada do sábado coa actuación musical de Vudu, unha proposta musical que mistura sons tradicionais con blues e soul. 

 Belém Trajes, ex vocalista de Luar na Lubre, e Maritxinha son as voces deste grupo recoñecido como unha das propostas máis representativas do talento feminino no ámbito da música galega actual.  

DOMINGO 7: 

 Para a xornada do domingo a XXIX Festa da Langosta e da Cociña Mariñeira arrancará coa amenización musical do grupo O Trebón dos Xidos e posterior actuación musical para nenos coa gamela guardesa. 

 Continuará a xornada cun concerto acústico do grupo Awen. 

 Pola tarde tamén haberá inchables acuáticos para os máis cativos e unha actuación infantil de Pako Pakolas co seu espectáculo «Contos, Cores e Rock´n´roll». 

 Para pechar esta edición, e como ven sendo habitual, celebrarase unha Noite de Fados coa actuación de Os Meninos. Tradición e modernidade no mundo da música portuguesa.  

 O Centro de Interpretación das Fortalezas no Castelo de Santa Cruz acolle a exposición de maquetas e figuras de Praxíteles González.

 Horario de 11:00 a 14:00h e de 18:00 a 21:00h. 

 Entrada: 1€ adultos e 0,5€ ata 14 anos inclusive.