O ROSAL

ANDAINA POLO DÍA MUNDIAL DO MEDIO AMBIENTE  

 Aula da Natureza das Aceñas

Foto: C.O.R.

Concello do Rosal

 A cita será o sábado 8 de xuño, as 20:30 h, na Aula da Natureza das Aceñas.      

 · Partiremos da Aula da Natureza das Aceñas, onde teremos unha breve charla  sobre o Día Mundial do Medio Ambiente e especificamente sobre a contaminación atmosférica, o tema elixido para este ano.     

 · Levaremos a cabo unha plantación simbólica de árbores autóctonas no entorno das Aceñas.     

 · Percorreremos o río Tamuxe pola súa beira en dirección a casa do río. A lonxitude da ruta será aproximadamente dun quilómetro e medio, toda ela atravesando un entorno boscoso.  

 Finalmente repartiranse bolsas de algodón reempregables ós asistentes. Non é necesario inscribirse a andaina, pero si que agradecemos a comunicación ó concello para ter unha estimación dos participantes. 

 Dado que a ruta transcorre pola ribeira, recomendamos levar roupa e calzado cómodo así como unha posible muda por se o chan está mollado.