O ROSAL

NOVAS CONCELLERÍAS E ASIGNACIÓN DE ÁMBITOS DE RESPONSABILIDADE NO CONCELLO DO ROSAL

O vindeiro martes 25 de xuño ás 21:00 horas, celebrarase o pleno organizativo no que se asignarán os ámbitos de responsabilidade no concello do Rosal
 

A alcaldesa do Rosal Ánxela Fernández Callís - terceira pola esq. - co seu equipo de goberno municipal

Foto: C.O.R.

Infogauda / O Rosal 

 O executivo municipal do concello do Rosal, que preside a alcaldesa Ánxela Fernández Callís, fixo público que o vindeiro martes 25 de xuño ás 21:00 horas, celebrarase o pleno organizativo no que se asignarán os ámbitos de responsabilidade no concello do Rosal. 

 Deste xeito quedarán conformadas as concellerías e tarefas propias de cada membro do equipo de goberno, do seguinte modo:  

ALCALDÍA 

Ánxela Fernández Callís 

Xuntamente coa Alcaldía, asumirá as áreas de Economía e Facenda, Formación e Emprego, Comercio, Participación Cidadá, Comunicación e Transparencia e Novas Tecnoloxías.  

TENENCIA DE ALCALDÍA 

Sara Vicente Salcidos 

Dirixirá as áreas de Cultura, Medio Ambiente (Auga, lixo e compostaxe), Agricultura e Montes e Xuventude.  

Germán Fernández Rodríguez 

Asumirá ás áreas de Vías e Obras, Tráfico e Seguridade, Protección Civil e Deporte.  

 Estas delegacións abarcarán tanto as facultades de dirixilos servizos correspondentes, como a de xestionalos en xeral ca posibilidade de resolver mediante actos administrativos que afecten a terceiros.  

OUTRAS DELEGACIÓNS ESPECÍFICAS 

Sabela Rodríguez Jardón 

Servizos Sociais, Igualdade e Muller 

Roxelio Fernández Portela                     

Urbanismo e Persoal 

Carlos Villanueva Domínguez               

Educación, Sanidade, Transporte e Patrimonio 

Juan César Paredes Domínguez           

Turismo  

 Estas delegacións comprenderán a dirección interna e a xestión dos servizos correspondentes, sen posibilidade de resolver mediante actos administrativos que afecten a terceiros.