A GUARDA

FORMACIÓN

Últimas prazas para os cursos da Aula CeMIT de xuño e xullo

 Infogauda / A Guarda

 A Aula CeMIT da Guarda organiza novos cursos de informática para todas as idades nos meses de xuño e xullo, quedando xa as últimas prazas para completar os diferentes cursos ofertados. 

 As inscricións están abertas no Concello e no Centro Cultural (1º andar), chamando ao 986 611 850 ou no enderezo electrónico: cemit.aguarda@xunta.gal.   

 Cursos para o mes de xuño: 

•    Informática para adultos: Xoves de 12:00 a 13:30h 

Cursos para o mes de xullo: 

•    Informática para nenos: Mércores de 10:30 a 12:00h ou 12:00 a 13:30h 

•    Manexo tablet e smartphone: Martes de 10:00 a 11:30h •    Aplicacións de Google: Luns de 12:00 a 13:30h 

•    Creación de presentacións: Martes de 12:00 a 13:30h  

Sobre a Rede CeMIT  

 A Rede de Centros para a Modernización e a Inclusión Tecnolóxica de Galicia, Rede CeMIT da Xunta de Galicia, configúrase como un importante vehículo para a posta en práctica de iniciativas orientadas a impulsar as TIC e a Sociedade da Información na nosa comunidade e tamén das políticas de goberno en áreas como a empregabilidade, competitividade empresarial, e-inclusión, benestar e a e-Administración. 

 O concello da Guarda manten a aula CeMIT en funcionamento gracias a un técnico contratado a través da liña 3 do plan concellos da Deputación de Pontevedra, de fomento de emprego. Aínda que a aula de informática está integrada na rede CeMIT, o concello non recibe ningunha subvención da Xunta de Galicia. 

 Conformada por unha serie de aulas públicas de acceso libre e de balde, dotadas de avanzado equipamento informático, audiovisual e multimedia, contan con acceso a Internet e abarcan a totalidade das comarcas de Galicia.