A GUARDA

O SOCIALISTA ANTONIO LOMBA BAZ, REELEXIDO ALCALDE DO CONCELLO DE A GUARDA  

Presidirá un goberno bipartito formado por concelleiros do PSdeG-PSOE e BNG

Antonio Lomba Baz logo de receber o bastón de mando que entregoulle o concelleiro Celso J. Rodríguez Fariñas

Fotos: Infogauda

Ricardo Rodríguez Vicente / A Guarda

 No día de hoxe sábado día 15 de xuño de 2019 rematou un periplo de catro anos de goberno municipal do PSdeG-PSOE, presidido por Antonio Lomba Baz, con maioría minoritaria – tiña 7 concelleiras/os dun total de 17 que ten a Corporación Municipal -; e hoxe mesmo, deu comezo unha nova singradura. Nesta ocasión, a bordo da nave de goberno municipal irán 5 concelleiros do PSdeG-PSOE e 5 do BNG, que logo de varias xuntanzas de negociación, onte venres concluiron o acordo de goberno bipartito que asinaron na mañá de hoxe.

 Cando eran ás 12:00 horas, a secretaria do Concello de A Guarda abriu a sesión extraordinaria para a constitución da nova Corporación Municipal e informou a tódolos presentes, tanto do procedemento a seguer como dos asuntos da convocatoria:

1.- Constitución da Mesa de Idade.

2.- Acreditación dos concelleiros electos e comprobación do quorum.

3.- Toma de posesión dos concelleiros electos. Constitución da Corporación.

4.- Elección do alcalde.

5.- Toma de posesión do cargo de alcalde.

6.- Arqueo e documentación xustificativa e dos inventarios.

De esq. a der.: Antonio Lomba Baz, Beatriz Lomba Rodríguez, Celso J. Rodríguez Fariñas e a secretaria da Corporación Municipal

 A Mesa de Idade estivo constituída polos concelleiros de maior e menor idade e pola secretaria da Corporación. Formaron parte da devandita mesa Celso J. Rodríguez Fariñas, como concelleiro de maior idade, e por Beatriz Lomba Rodríguez, como concelleira de menor idade, e pola devandita secretaria.

 A continuación Celso Rodríguez Fariñas, deu a benvida a tódolos asistentes, e fixo unha lembranza “(...) da Corporación Municipal que no ano 1979 comezou a etapa de maior duración do país, en termos democráticos, que marcou a pauta dun novo proceso de convivencia cidadá, en colaboración cos homes e mulleres que representaban a opinión da maioría dos veciños nos últimos tempos (...)”.

 

Vista parcial dos veciños que encheron o salón de sesións, ubicado na planta baixa da Casa dos Alonso

   

 O tempo que saudou públicamente a todos concelleiros e arredor duns 150 veciños, Celso R. Fariñas dixo tamén que “(...) é un bo momento para inaugurar as novas instalacións [referíndose a sala de sesións] do novo Concello (...)”.

  Tamén informou que tódolos concelleiros electos presentaron na secretaría do Concello súas correspondentes credenciais expedidas pola Xunta Electoral de Zona, e que existe quorum ao estar presente a totalidade dos concelleiros electos.

  Trala oportuna indicación da secretaria, a continuación tivo lugar a toma de posesión dos concelleiros, facéndoo en primeiro lugar os membros da Mesa de Idade e logo por chamamento por orde alfabética de apelido, os demáis concelleiros/as electos.

 Celso R. Fariñas, de Converxencia Galega, acolleuse a fórmula de: “Prometo cumplir, por imperativo legal a Constitución e respecto ao Rei, e ao mesmo tempo seguir facendo esforzos e traballando por toda aquela xente que máis cerca que tarde podamos proclamar a República Española”.

 Pola súa banda, Beatriz Lomba Rodríguez, do BNG, dixo: “Prometo, por imperativo legal,  acatar a Constitución e comprométome a defender os dereitos e intereses xerais da veciñanza da Guarda e do pobo galego”.

 Como logo se vería, esa sería a fórmula que pronunciarían tódolos concelleiros do BNG.

Os concelleiros do Partido Popular estaban a dereita da presidencia da sesión

 A continuación correspondeulle o turno a Óscar Alonso Álvarez, do PP, que dixo: “Xuro pola miña conciencia e honra, cumplir con fidelidade as obrigas de concelleiro do Concello da Guarda, con lealdade ao Rei, e gardar e facer gardar a Constitución, como norma fundamental do Estado”.

  Esa fórmula de xuramento sería a que pronunciarían seus compañeiros do PP.

 Mª Elena Baz Rodríguez, do PSdeG-PSOE, optou pola fórmula “prometo pola miña conciencia e honra, cumplir con fidelidade as obrigas do cargo de concelleira do Concello da Guarda, con lealdade ao Rei e gardar, e facer gardar, a Constitución como norma fundamental do Estado”. 

 Como logo se pudo escoitar, tamén sería o xeito de asumir o cárrego os demais concelleiros do PSdeG-PSOE.

Os concelleiros do PSdeG-PSOE e do BNG estaban a esquerda da presidencia da sesión

 Tralas promesas ou xuramentos – segundo o criterio elexido por cada formación política -, Celso R. Fariñas, decrarou constituída a nova Corporación Municipal, o que foi rubricado cunha ovación dos veciños asistentes.

 Seguidamente a secretaria informou que íase proceder á elección de alcalde, informando do procedemento a seguer, e que tódolos cabeza de lista eran candidatos para o devandito cárrego.

 Seguindo a orde alfabética, interviu en primeiro lugar Roberto José Álvarez Carrero, candidato do Partido Popular, que dirixíndose a tódolos concelleiros “(...) para solicitar a vosa confianza e o voso voto na miña candidatura (...)”.

 Na súa intervención referiu que “(...) A Guarda somos todos (...)”, referíndose os pensionistas que levan os netos ao colexio, os mozos que traballan en Portugal, as persoas que quedan na casa atendendo aos seus ancians, ..., para engadir que “(...) A Guarda construímola todos, co noso traballo e coas nosas decisións (...)”.

 Álvarez Carrero afirmou que “(...) fai tres semanas o pobo guardés dixo de forma nítida que quería un cambio. Que non estaba de acordo coa política que se estaba seguindo. Este cambio manifestouse nas urnas, nos votos, que ao final é a vontade popular recollida en resultados.

 A candidatura que encabezo, e que evidentemente sosteño, tivo un aumento de votos e gañou as eleccions. Sen discusións. De forma clara. Somos a forza máis votada e maioritaria, que escolleron os guardeses. Pero tamén enviáronnos unha mensaxe: Que tíñamos que pactar. Que tiñamos falar entre nós para acadar unha maioría suficiente de cara a gobernanza (...)”.

 O portavoz do Partido Popular engadiu que “(...) o gran perdedor destas eleccions foi o PSOE, Antonio Lomba e o seu equipo. Sen paliativos (...)”. “(...) O pobo da Guarda penalizou a súa forma de gobernar e xestionar polos seus intereses políticos (...)”.

 A renglón seguido, Roberto José Álvarez Carrero relembrou “(...) as reunions cos diferentes grupos para tratar de acadar un pacto de goberno ou de investidura. Os resultados xa se coñecen (...)”, para engadir as diferentes propostas ofertadas e tratar de chegar a “(...) unha nova forma de facer política (...)”. “Honestamente penso que máis non se pudo ofrecer  nin propoñer (...)”.

 Álvarez Carrero afirmou tamén: “(...) O PSOE na Guarda ten que asumir que perdeu neste caso ás eleccions. O pobo pediu un cambio. Non debemos antepoñer o apego ao poder e que temos que facer é autocrítica (...)”.

 Referíndose ao BNG, Álvarez Carrero dixo: “(...) Vostedes basearon súa campaña que seu proxecto suporía un cambio radical para A Guarda. E máis, constatamos todos que efectivamente, que o pobo quería un cambio. Ese cambio está refrendado nos resultados, tanto nos vosos como nos nosos (...)”.

  Deseguido fixo unha comparativa entre os investimentos que fixo a Xunta de Galicia, cando o bipartito (PSdeG-PSOE e BNG), relembrando que os investimentos neses catro anos non superaron os 300.000 euros,  cousa que soio neste último ano, a Xunta de Galicia investiu eiquí 500.000 euros.

 “Pacten con nós! Pacten con nós! Temos que facer o vial [VAP Tui-Goián], vamos xuntos a protestar Santiago. Non teño problema ningún. Pacten con nós!

 Cando decimos que queremos a Saída Sur. Non hai problema ningún. Miramos o proxecto, acordámolo e imos a buscar financiamento para conquerilo (...)”.

 “(...) Antes que en nós – engadiu Roberto José Álvarez Carrero -, pensemos na Guarda. Abandonemos as nosas ideoloxías e camiñemos xuntos (...)”.

  Referíndose aos concelleiros do BNG, o portavoz do PP engadiu: “(...) Penso que se chegan a pactar co PSOE, algúns dos seus votantes poderanse sentir verdadeiramente defraudados. E mais, un pacto cun perdedor das eleccions (...)”, “(...) é continuidade. É apoio a unha xestión que non queremos para naide (...)”.

 O portavoz popular afirmou tamén: “(...) Como vostedes afirmaron nos medios. Un pacto cos socialistas supón refrendar e aplaudir unha forma de facer política. Máxime cando vostedes estiveron criticando, de maneira permanente, o goberno socialista. Finca de Fínola, que se Concepción Arenal, con sentido único, que se os guardeses nos merecemos outra cousa, etc. (...)”.

 “(...) Apoiar ao PSOE significa continuismo. Plátón decíao moi claro nunha obra que se chama “A República”. Cito textualmente: “Alí onde o mando é cobizado e disputado, non pode haber bó goberno nin reinará a concordia”. Fin da cita.

 Pídolle ao PSOE que reflexione. Que faga autocrítica. Pídolle BNG que reflexione. Que faga tamén autocrítica (...)”.

  Parafraseando a Juan Donoso Cortés, nun discurso do século XIX, o portavoz popular dixo: “As alianzas non son un fin. As alianzas son un medio de conseguir o fin”.

 O fin que queren os guardeses é o cambio (...)”.

 Unha vez rematada a intervención de Roberto José Álvarez Carrero, houbo unha nova ovación do público.

 A continuación correspondíalle o turno a Antonio Lomba Baz, candidato do PSdeG-PSOE á Alcaldía de A Guarda, quen dixo: “Eu voulle ceder á palabra a Montse Magallanes”.

  Logo de saudar  a todos, Montserrat Magallanes Álvarez  comezou decindo: “Iniciamos con este pleno unha nova andadura para o Concello da Guarda. Unha nova lexislatura, que para o Partido Socialista necesita o mellor timonel. Ao igual que o necesitan as nosas embarcacions cando saen mar adiante, A Guarda necesita encomendarlle o timón aos mellores. A persoas con coñecementos. Cheas de bagaxe e formación para coñecer as regras da mar. Para poder lidiar ante as tempestades e sair ilesos. Pero tamén para saber gobernar o barco cando a mar está en calma.

 Estamos convencidos de que liderar o goberno do Concello da Guarda require asimesmo dunha persoa con formación, pero tamén con sentido da igualdade. Da búsqueda da xustiza e da equidade, de respecto polos seus veciños e do instinto político necesario para saber o que lle convén ao pobo. Ao igual que ao patrón dunha embarcación intúe cando ven un banco de peixe ou cando se atisban dificultades, para saber discernir entre a mar de fondo ou a marexada. Esa intuición que se forxa ao longo dos anos e se vai acumulando xeración tras xeración o saber transmitido polos nosos antigos pescadores.

 Require tamén dun determinado carácter, non sexa que lle aconteza como a Sancho, cando gobernador da Ínsula Barataria. Carácter para discernir entre as cuestións de relevancia e as outras que non as ten.

 O Partido Socialista é un partido cunha clara vocación de goberno, xa que é no goberno, a través da acción política, que se mellora a vida das persoas (...)”.

  Magallanes engadiu que “(...) o resultado electoral amosa un claro posicionamento de esquerdas, e o mandato da cidadanía expresado nas furnas no mes de maio, se ten producido no acordo de goberno entre o PSdeG-PSOE e o grupo político do BNG deste pasado venres, e que hoxe mesmo acabamos de rubricar.

  Somos conscientes de que nunha coalición de goberno hai que saber dialogar, consensuar e acercar posturas.

 O Partido Socialista amosa hoxe aquí o seu compromiso de traballar nesa liña estes próximos catro anos. Corrixindo as eivas que pudemos cometer no pasado a aprendendo a velas. Afrontar así, dende unha posición forte e de consenso, os retos de futuro, porque como di Machado: “Caminante son tus huellas, el camino y nada más. Caminante no hay camino. Se hace camino al andar. Al andar se hace el camino y al volver la vista atrás se ve la senda que nunca se ha de volver a pisar. Caminante, no hay camino, sino estelas en la mar.”

 Froito do acordo mencionado nace un goberno que irá collendo forma. En primeiro lugar co nomeamento dos titulares das diferentes áreas e responsabilidades e que se traerán a este plenario en días vindeiros.

 O Partido Socialista lle confía a Antonio Lomba Baz a tarefa de dirixir a nosa vila para mellorar as condicions de vida da nosa cidadanía. De toda ela, sen distingos de barrios ou parroquias, traballando duramente para todos e todas.

 Somos conscientes da inxente e ilusionante tarefa que lle agarda pero do mesmo xeito somos sabedores de que a cidadanía lle outorgou a confianza para liderala e que contará cun excelente grupo de persoas que se sumarán a esta tarefa, ilusionados e conscientes das súas responsabilidades. Por iso o noso voto, que vai acompañado de confianza e da esperanza, porque Antonio Lomba Baz vai a traballar pola igualdade, o progreso, a xustiza e o respecto que merece o pobo da Guarda”.

 Unha nova ovación rubricaría á intervención de Magallanes Álvarez.

 A continuación correspondeulle seu turno a Anxo Lois Baz Vicente, polo Bloque Nacionalista Galego, quen dixo:

  “(...) Co resultado das pasadas eleccions municipais na mán, ao BNG pedíusenos altura de miras e humildemente considero que supemos estar.

 O acordo de investidura a Antonio Lomba Baz como alcalde da Guarda é un producto de un acordo de goberno entre o Partido Socialista e o Bloque Nacionalista Galego en pé de igualdade, algo que reflicte o que votou a cidadanía o pasado día 26 de maio.

 Estamos convencidos que entramos nun novo tempo. Un novo tempo para A Guarda no que se van a desenvolver políticas que progresivamente van transformar este concello en actuacions fundamentais. Unha Guarda feita dende abaixo hacia arriba. Unha vila por, e para o pobo. Onde o espazo público se convirta en espazos de igualdade, de cohesión social. Espazos dinámicos que permitan o desenvolvemento económico, cultural e turístico, con todo ese potencial que A Guarda ten.

 Sei que hoxe non é o día de falar de programa nin de estratexias. E quero aproveitar este momento que me brindan para compartir con todos vos esa forza e esa ilusión que os meus compañeiros e compañeiras do BNG levamos dentro para facervos partícipes deste bonito proxecto que hoxe arranca.

 Veciños e veciñas. Aquí tedes un concello aberto, participativo, coa man tendida a todo o pobo, que inclúe tamén aos partidos da oposición, como non podía ser doutra maneira.

 Hoxe empeza unha nova etapa para A Guarda, onde as persoas e o seu benestar son o obxectivo principal deste novo goberno. Porque A Guarda é o que é grazas ao carácter, ao traballo e a ilusión de todas as persoas que hoxe todos temos na nosa mente.

 Hoxe, como dixen antes, o BNG tende a mán a todos e a todas para sumar e para transformar. Por iso o Bloque Nacionalista Galego vai votar favorablemente ao candidato do PSdeG-PSOE, Antonio Lomba Baz (...)”.

 Ao remate da intervención de Anxo Lois Baz Vicente súas verbas foron correspondidas con unha ovación do respectable público.

 A continuación correspondeulle seu turno a Celso Rodríguez Fariñas, de Converxencia Galega, quen brevemente dixo: “Despois de escoitar as distintas intervencions deixar claro que chegou o momento de que A Guarda arranque. Que sea certo o das novas políticas, o da transparencia, o da claridade na xestión e que todos puxemos pra diante para intentar que A Guarda volva a coller o ritmo que tuvo en tempos pasados”.

 As verbas de Rodríguez Fariñas tamén foron correspondidas cunha ovación dos veciños.

 A continuación, a secretaria informou que rematadas as diferentes intervencións, se procederá a votación a mán alzada. Os concelleiros que optaban a Alcaldía son: Roberto José Álvarez Carrero e Antonio Lomba Baz.

 Os votos a favor do candidato do Partido Popular foron 6.

 Os votos a favor do candidato do PSdeG-PSOE foron 10.

  Seguidamente, segundo informou a secretaria, dado que se acadou o quorum esixido resulta proclamado alcalde da Guarda Antonio Lomba Baz.

  Unha grande ovación acollería a devandita proclamación.

 A continuación, o alcalde prometeu pola súa “(...) conciencia e honra cumplir con fidelidade as obrigas do cargo de alcalde do Concello de A Guarda, con lealdade ao Rei e gardar e facer gardar a Constitución como norma fundamental do Estado”.

 Unha vez cumplimentada a promesa de acatamento a Constitución, a secretaria manifestou: “(..) Queda vostede posesionado do cargo de Alcalde do Concello da Guarda (...)”, “(...) en consecuencia o presidente desta Mesa de Idade faille entrega do bastón de mando como símbolo das atribucions do cargo (...)”.

 Unha nova ovación dos veciños, daría paso á intervención do alcalde, que en síntese agradeceu “(...) a tódalas aquelas persoas que me apoiaron e me animaron estes últimos catro anos, a desenvolver meu labor como alcalde da Guarda. Elas, e o convencemento de que o traballo que estábamos a realizar dende o goberno municipal melloraría esta vila que tanto queremos, foron os principais motivos para volver a poñernos a disposición da cidadanía co afán de demandar a vosa confianza e continuar o traballo no servizo público.

 Familia, amigos e compañeiros foron quen íntimanente me deron  os ánemos, a forza, a afouteza para volver a afrontar o reto de presentarme de novo como candidato a alcaldía da Guarda.

 Quérolles agradecer especialmente aos meus irmáns [a emoción fixo que momentáneamente o alcalde  parase súa intervención, sendo aplaudido polos veciños, reanudando a continuación súa intervención], e as súas familias, e por suposto, a miña muller e aos meus fillos, seu inestimable apoio e ánemo (...)”.

 Antonio Lomba Baz tamén tivo “(...) un agarimoso recordo e agradecemento para os membros do equipo de goberno durante esta pasada lexislatura, polo seu traballo e entrega. E quero extender este recordo a todos os compoñentes das anterior Corporaciòn polo labor prestado ao Concello de A Guarda como representantes dos veciños.

 Con todo hoxe estou aquí grazas ao sistema de democracia representativa e a vontade expresada nas urnas, polas veciñas e veciños da Guarda.

 Quero agradecer tamén o apoio e a confianza depositada en nós.

 Foi a veciñanza a que tomou a decisión de dar un apoio importante ao PSOE e ao BNG, dúas forzas políticas que temos en común argumentos suficientes como para chegar a espazos de entendemento.

 Pola nosa parte, e entendendo o mandato e a responsabilidade que as guardesas e os guardeses nos encomendaron puxémonos máns a obra para acadarmos un acordo de goberno para a próxima lexislatura.

 Hoxe estamos a dar o primeiro paso deste goberno conxunto. Un goberno forte. Con dez concelleiros.

 Quero agradecer ao BNG a boa disposición que nos permitiu chegar a ese acordo (...)”.

 A continuación o alcalde deu á benvida “(...) a tódolos concelleiros e concelleiras, sobre todo aos que o sodes por primeira vez. Espero e desexo que dentro de todas as nosas discrepancias políticas, teñamos altura de miras, visión institucional para pór A Guarda por riba de intereses partidistas e que poidamos traballar xuntos para poder conseguir o mellor para a nosa vila (...)”.

  O tempo de relembrou que “(...) A Guarda é un sitio fermoso. Un lugar privilexiado, tocado con cariño pola Natureza, é dende tempos inmemoriais, unha terra de oportunidades. Diso dan testemuña os asentamentos humanos de hai máis de 2.000 anos e dos que temos constancia a través do noso importantísimo patrimonio arqueolóxico e histórico.

 Para nós está clara á evidencia de que é un lugar único e incomparable. Un sitio con calidades inmellorables para desenvolver un proxecto de vida.

 O noso compromiso neste sentido foi, e continúa a ser, o de mellorar as condicions para ofrecervos oportunidades e calidade de vida a quen queira vivir entre nós.

 Eu comprometo o meu traballo e o do futuro goberno da Guarda, pero hai cousas moi importantes, que esixen outros compromisos.

 Apelando a altura de miras que antes citaban, pido a Corporación e a toda a veciñanza, o seu apoio para demandar das administracions competentes aquelas actuacions necesarias para mellorar as nosas espectativas de futuro.

 ´E unha prioridade para a comarca, o remate da autovía entre Goián e Tui. Necesitamos ter unha boa comunicación por estrada que permita un enlace rápido e seguro a Vigo.

 Necesitamos tamén mellorar as condicions para termos novas oportunidades de negocio e emprego.

 Estamos ben posicionados no sector turístico, en particular grazas o Monte Santa Trega e ao Camiño de Santiago.

 Pero temos que conseguir solo empresarial.

 Necesitamos unha gardería infantil e impulsar a execución do acceso sur ao porto da Guarda, por contarmos algunhas das obras estratéxicas.

 Para A Guarda, en definitiva, é imprescindible, unha Xunta de Galicia sensible coa situación xeográfíca e as nosas necesidades (...)”.

 O alcalde tamén aludiu a historia da nosa emigración a América e á traxectoria ascendente do sector pesqueiro, salientando a capacidade de iniciativa dos guardeses, e afirmou que “A Guarda facémola entre todas e todos”.

  E cando referiu que se criou entre O Pirún e As Laxes, o alcalde voltouse a emocionar, sendo animado polos aplausos dos veciños, afirmando a continuación que está a disposición de tódolos veciños para o que queiran.

 Unha nova ovación poría broche a intervención do alcalde.

 A continuación continuaría a sesión dando conta do arqueo, a data 14 de xuño de 2019, tanto do Concello como do Padroado Municipal Monte Santa Tecla.

 O alcalde relembrou que no prazo de cinco días constituiranse os grupos municipais.

 E non habendo máis asuntos que tratar, levantou a sesión, sendo aproximadamente ás 12:45 horas.

 Como é natural o alcalde recibiu ás felicitacións de concelleiros, veciños e familiares, nun ambente distendido sen que se rexistrase ningún incidente.

 Compre salientar que ademais dos 9 concelleiros que xa o eran na Corporación Municipal precedente, e voltaron a seren relexidos, os novos corporativos son:

 José Antonio Baz Lomba, María Isabel Guisande Vila, Mª Vanesa Alonso Gándara e Josué Álvarez Alonso,  (PP); Beatriz Lomba Rodríguez, Mª Begoña González Martínez e Xosé Manuel Méndez Díaz (BNG): e Fátima Rodríguez Marcos (PSdeG-PSOE).