TURISMO

Aberta a enquisa para aportar opinións e valoracións sobre o Xeodestino Ría de Vigo e Baixo Miño  

 Vista parcial do porto de A Guarda (Pontevedra), e ao fondo, o Monte Santa Trega dominándoo todo

Foto: Infogauda

Infogauda / A Guarda

 No marco da Estratexia de Turismo do xeodestino Ría de Vigo e Baixo Miño, vén de poñerse en marcha unha páxina web que pretende servir como mecanismo de participación a toda aquela persoa que desexe aportar as súas opinións e valoracións.  

 Así mesmo, servirá como vehículo de comunicación de diferentes avances do plan estratéxico. Toda persoa, empresa ou institución con interese no sector turístico, pode participar accedendo á ligazón da Estratexia de Turismo do xeodestino Ría de Vigo e Baixo Miño.

 A razón de ser desta web é a implicación e participación de profesionais do turismo e da poboación local, de cara a obter unha óptima radiografía da situación actual que sirva como punto de partida á hora de definir estratexias que permitan mellorar a competitividade do sector turístico dos 14 concellos que compoñen o xeodestino. 

 Dende o Concello de A Guarda agradécese a participación de toda aquela persoa interesada en aportar ideas e valoracións a este proxecto turístico.