TOMIÑO

O Concello de Tomiño organiza un novo obradoiro de autodefensa feminista 

A actividade, organizada a través da Oficina Municipal de Igualdade, impartirase o sábado 8 de xuño en horario de mañá e tarde  

 Infogauda / Tomiño

 O sábado 8 de xuño, celebrarase un novo obradoiro de autodefensa feminista, organizado polo Concello de Tomiño a través das oficina municipais de Igualdade e Información Xuvenil.  

 Esta actividade, moi demandada polas cidadás tomiñesas, será impartida en horario de mañá e tarde (10:00 a 13:00 e 16:00 a 19:00 horas) na Casa da Cultura, e está dirixida a mulleres a partir de 15 anos.  

 As prazas son 30 e as inscricións abríronse hoxe a través da web municipal (www.tomino.gal). Asemade, pode enviarse un correo electrónico a omix@tomino.gal, ou ben, chamar ao número de teléfono 986 622 001 en horario de 8:00 a 15:00.  

 A actividade é financiada con cargo aos créditos recibidos do Ministerio de la Presidencia, Relaciones con las Cortes e Igualdad, a través da Secretaría de Estado de Igualdad.