A GUARDA

Máis de 80 pilotos de motos Ducati visitarán o Monte Santa Trega 

Este sábado día 1 de xuño, a partires das 11:30 horas

 

 Infogauda / A Guarda

 Este sábado día 1 de xuño o Monte Santa Trega será o escenario para a visita de case un cento de motos da emblemática marca italiana Ducati na Quedada Nacional que organiza cada ano o Clube DOC D.C.E. e que este ano, se celebra en Vigo e Baiona, entre o 31 de maio e o 2 de xuño.  

 Apaixoados das dúas rodas visitarán á nosa vila e subirán ao Monte Santa Trega entre as 11:30 e as 12:30h, momento no que gozarán coas espectaculares paisaxes (Esteiro do río Miño, Oceáno Atlántico, ...), así como aproveitarán para coñecer o noso rico patrimonio no Museo Arqueolóxico e no xacemento castrexo do Trega, o máis visitado de Galicia.  

 Esta visita enmárcase nun percorrido que farán os participantes nesta quedada por lugares emblemáticos das Rías Baixas ao longo da súa estadía en Galicia.  

 Todas as persoas que así o desexen, poderán achegarse ata o Monte Santa Trega e contemplar os diferentes modelos da marca Ducati, que estarán a carón da antiga Casa Forestal.