CELSO RODRÍGUEZ FARIÑAS, CANDIDATO DE CONVERXENCIA GALEGA Á ALCALDÍA DE A GUARDA PROPÓN VARIAS MEDIDAS DE APOIO AOS VECIÑOS E EMPRENDEDORES
Na presentación do seu equipo ao completo, xa esbozou varias propostas para iso
Celso Rodríguez Fariñas, candidato á Alcaldía de A Guarda, no acto central do presentación da candidatura de Converxencia Galega ás Eleccions Municipais do 26 de maio
Moitos veciños das tres parroquias de A Guarda, acudiron ao acto de presentación da candidatura de Converxencia Galega
Infogauda / A Guarda
O domingo día 19 de maio celebrouse no Casino da Guarda o mitin central e presentación da candidatura de Converxencia Galega, encabezada polo veterano en política Celso Rodríguez Fariñas, acompañado polo seu equipo.
Desde Converxencia Galega agradecen a asistencia masiva ao mitin e o apoio mostrado polos veciños.
No acto expuxeron varios puntos do seu programa electoral, así como as carencias que sofre agora A Guarda.
A nº 2 da candidatura, Beatriz Estévez centrou a súa presentación no deporte local mostrando preocupación pola falta de instalacións para todo tipo de deportes, coa consecuencia de que varios clubs locais víronse obrigados a adestrar e competir en pobos veciños.
Por outra banda o candidato á Alcaldía, Celso Rodríguez Fariñas expuxo a carencia de atención por parte do Concello aos problemas dos veciños e á pasividade coa que o grupo de goberno trata á poboación.
Comentou tamén o bloqueo que están a sufrir por parte doutros partidos políticos nesta campaña electoral e que por iso non poden poñer a publicidade e realizar as charlas cos veciños polos barrios. A pesar diso, dedicaranse a facer a súa campaña porta a porta sen renderse ante as pedras que lles puxeron en campaña.
Da exposición do programa electoral de Converxencia Galega sobresaen tres puntos básicos e que serían de vital importancia para o pobo:
· A creación dun Departamento de Atención Veciñal, onde os habitantes da Guarda poidan presentar queixas e suxerencias, sempre axudados por persoal do Concello, ademais de servir como punto de información e tramitación das subvencións das diferentes administracións públicas.
· Abrir o Concello dúas tardes á semana, para favorecer tamén á xente que traballa e non pode acudir en horario de apertura normal, facilitando así a vida aos guardeses e achegando o concello á cidadanía.
· E por último a creación dun novo (Plan Xeral de Ordenación Urbana) PXOU máis próximo e transparente, dotado de Seguridade Xurídica, favorecendo aos técnicos locais e ás pequenas empresas do pobo, así como a posibilidade de atraer con iso poboación e novas empresas que se asenten na Guarda.
Tocáronse outros puntos do programa nos que se fará fincapé no mitin de peche de campaña o vindeiro venres día 24 de maio, ás 20:30 horas, tamén no Casino da Guarda.
Ningún comentario:
Publicar un comentario