MADRID

PREVISIÓN DE ACTOS NA DELEGACIÓN DA XUNTA EN MADRID/CASA DE GALICIA 

PARA A SEMANA DO LUNS 4 AO VENRES 8 DE MARZO DE 2019

Martes, 5 

19:30 horas 

 A Delegación da Xunta en Madrid/Casa de Galicia acollerá a Inauguración da exposición antolóxica de pintura, "PAISAXES GALEGAS", de José Leyra Domínguez  unha selección das súas obras máis representativas, de temática esencialmente paisaxística, nas que deixou reflectido a súa contorna  idealizada a través da súa mirada, especialmente as frondosas fragas e os densos soutos, cunha paleta rica en cores e predominio dos característicos verdes que resaltan grazas ao persoal tratamento da luz; sen esquecer as mariñas das costas ferrolás: Valdoviño, San Xurxo, Cobas ou Doniños.   

 José Leyra Domínguez, (1912-1997), ademais de prolífico pintor foi un comprometido intelectual ferrolán, escritor, xornalista, profesor mercantil, licenciado en Dereito, conferenciante, membro da Real Academia Galega...  

 A mostra antolóxica “PAISAXES GALEGAS” de  Leyra Domínguez poderá visitarse nas Salas A e  L da Casa de Galicia  ata o 29 de marzo en horario, de 10 a 14 e de 16 a 20 horas. Domingos e festivos: de 10 a 14 horas.  

Mércores, 6 

19:30 horas 

 Inauguración da mostra de pintura “SENTIMENTOS” de Cuadrado, con obras nas que combina  surealismo e simbolismo, e que achegan ao espectador tantas interpretacións como miradas. Mazás, uvas, granadas ou limóns son máis que froitas, porque con elas, Cuadrado ofrece todo un mundo de sentimentos, como amor, luxuria, unión ou amargura. A artista móvese entre a realidade e o soño, con obras cargadas de simbolismo que convidan a reflexionar sobre a dualidade do ser humano, e que logra cunha dobre técnica: óleo e acrílico. Co primeiro destaca a forza do sentimento e co acrílico desvanece o secundario.   

 A exposición "SENTIMENTOS" de Cuadrado, poderá visitarse na Sala  B da Casa de Galicia ata o 29 de marzo, en horario de 10 a 14 e de 16 a 20 horas. Domingos e festivos: de 10 a 14 horas.  

Xoves, 7  

19:30 horas 

Presentación de “LA ALDEA MALDITA” e “TIERRA DE LOBOS”, os dous primeiros tomos da serie “LA ESPADA DE SAN EUFRASIO”, cómic histórico de aventuras medievais, ambientado na Galicia dos tempos previos á Revolta  Irmandiña, do debuxante Miguel Fernández e os guionistas Manuel López  Poy e Pepe Rey, publicados por  Diábolo Edicións.  

 No acto intervirán: o debuxante Miguel Fernández; os guionistas Pepe Rey e Manuel López  Poy; e  Lorenzo Pascual de  Diábolo Edicións.