TOMIÑO

TOMIÑO XA ESTÁ PREPARADO PARA A CABALGATA DE REIS

· QUE SAIRÁ DO CAMPO DO ALIVIO ESTE SÁBADO 5 ÁS 16.30 H E REMATARÁ NA PRAZA DO SEIXO, ONDE SE REALIZARÁ UN SORTEO DE AGASALLOS 

Infogauda / Tomiño

 Todo listo en Tomiño para recibir un ano máis as Súas Maxestades os Reis Magos de Oriente. Este sábado 5 de xaneiro terá lugar a tradicional Cabalgata de Reis, que terá o seu punto de partida no Campo do Alivio. A comitiva real, composta polas catro carrozas que acompañan aos Reis e as treboadas de Tomiño, sairá ás 16:30 horas para percorrer e encher de maxia as rúas de Tomiño.  

 O percorrido transcorrerá polas rúas céntricas da vila facendo as ledicias de todas as nenas e nenos e de todas as persoas que se acheguen a gozar dunhas horas de música e cor. O desfile rematará na Praza do Seixo, onde se celebrará a recepción das cativas e cativos aos Reis Magos. Ademais, ao final do percorrido haberá reparto de agasallos e sorteo de premios.  

 A concellería de Cultura convida a todas as tomiñesas e tomiñeses e as veciñas e veciños da comarca a que participen nesta tradicional festa.  

 En caso de choiva, será a propia concellería a que valore a posibilidade de suspender a cabalgata ou de trasladala ao día seguinte á mesma hora.