TUI

PATRIMONIO

O BNG congratúlase da rehabilitación do palco da música da Corredoira 

Carme Núñez, portavoz municipal do BNG en Tui

Infogauda / Tui 

 "O BNG quere felicitar a execución das obras de restauración do palco da música do Cantón de Diómedes. Trátase dunha recuperación necesaria, despois do estado de abandono e desidia no que se atopaba, por parte dos governos do PP, durante décadas". Por ese motivo o anterior equipo de governo municipal, na persoa concelleira do BNG, Carme Núñez decidiu iniciar este proxecto a través da liña de axudas "Plan concellos" da Deputación de Pontevedra. 

 "A execución por parte das empresas adxudicatarias e dos e das técinas foi impecábel. O resultado é o previsto, unha xoia do patrimonio para o desfrute das nosas veciñas e veciños", sinalou Carme Núñez, portavoz municipal do BNG no Concello de Tui.   

 "Actuacións deste tipo a favor do patrimonio tudense foi ao que se compromentera o BNG desde a concellaría de Patrimonio. Lamentamos que o actual equipo de governo perdese as subvencións que se conseguiran para outros proxectos iniciados e deseñados durante o anterior governo coma a rehabiltación da ponte medieval de Pexegueiro, e o lavadoiro e fonte de Rodas (Guillarei). Isto é consecuencia da inactividade do governo municipal, cando a rehabilitación do palco da música é un claro exemplo de que as cousas non so se poden facer doutro xeito, senón que son necesarias e precisas para coidar o noso patrimonio, e por expansión, todo o que ten que  ver co futuro de Tui", concluiu Carme Núñez.