CINEMA
Get Out, un thriller psicolóxico, no cineclub Poleiro
Xoves 8 de novembro ás 21:30 horas no auditorio de Goián
Rita Alonso / Goián
Mañá, xoves 8 de novembro, ás 21:30 horas, no Auditorio de Goián, o cineclub Poleiro proxecta Get Out (Déixame sair), unha película estadounidense, dirixida por Jordan Peele. Un retrato do racismo en EE.UU, disfrazado de cine de terror.
Sinopse:
Un mozo afroamericano visita á familia da súa noiva branca, filla de un matrimonio adiñeirado. A película narra dous días de desacougo cando a parella vai pasar unha fin de semana ao campo cos pais dela. Un thriller psicolóxico mesturado con medo e terror. Unha serie de descobrimentos, cada vez máis inquedantes levan ao protagonista a descubrir una verdade inimaxinable.
O xoves, 3 de decembro chega The Square, película sueca dirixida por Rubén Östlund. Trata sobre a publicidade que rodea unha instalación de arte, e as reaccións que provoca. Gañou a Palma de Ouro en Cannes, 2017.
O xoves 10 de xaneiro, En cuerpo y alma, comedia húngara, o séptimo traballo da directora Ildykó Enyedi. Unha inusual historia de amor nun lugar inusual, un matadoiro no que traballan os dous protagonistas.
O cineclub Poleiro conta co apoio da Concellería de Cultura do Concello de Tomiño e da Federación de Cineclubes de Galicia.
Ningún comentario:
Publicar un comentario