DEPORTES

HOCKEY LIÑA

Debut do equipo feminino de A Guarda Hockey Liña na Liga galega

Agardábase un partido igualado e con emoción e cumpríronse as espectativas xa que o resultado final foi de 2-2 e houbo emoción ata os segundos finais

Adestrador e xogadoras do equipo senior feminino de A Guarda Hockey Liña

Foto: A.G.H.L.

Miguel Fernández Lomba / A Guarda

 O pasado sábado día 10 o equipo senior feminino de A Guarda Hockey Liña fixo o seu debut na Liga Galega. Despois de un ano sen competir as rapazas do Clube guardés voltaron á pista deixando moi boas sensacións para o numeroso público asistente así coma para o corpo técnico. 

 En este partido debut as da Guarda enfrontáronse ó Brigantium Feminino de Arteixo no pavillón AGRA 1 de A Coruña. Agardábase un partido igualado e con emoción e cumpríronse as espectativas xa que o resultado final foi de 2-2 e houbo emoción ata os segundos finais. As da Coruña dominaron a estatística de tiros a porta e as da Guarda a posesión da pastilla facendo un vistoso e emocionante partido.  

 Bo debut e o primeiro punto acadado en esta nova etapa do hockey feminino guardés que con un plantel con moita xuventude tentará acadar unha boa posición na Liga Galega de Hockey Liña.