DEPORTES

PIRAGÜISMO

SETE MEDALLAS PARA OS TEIXUGOS NO CAMPIONATO GALEGO DE SLÁLOM

Nesta ocasión o Club Deportivo Miño-Teixugos so acudiu con catro piragüistas, o resto do equipo non puido ir ao ter compromisos de estudos e traballo

 Informa (fotografías e redacción): Rosa Fernández Carrera

 Este domingo celebrouse en O Couquiño (Dumbría), o Campionato Galego de Slálom. Nesta ocasión o Club Deportivo Miño-Teixugos so acudiu con catro piragüistas, o resto do equipo non puido ir ao ter compromisos de estudos e traballo.  

 Aínda con tan reducida participación, os Teixugos foron quen de facerse con sete medallas do Campionato, o que da fe do gran nivel dos seus deportistas.  

Podio con Luís Fernández, campión galego de C1 sénior e Brais Castro, na mesma categoría, foi terceiro 

Podio con Brais Castro, prata en K1 senior, e Luís Fernández, bronce na mesma categoría, foi terceiro 

Marina Ruedas - a esquerda - acadou a medalla de prata na modalidade K1 sénior

 Ariadna Pereira, acadou a prata en K1 júnior

                               Ariadna Pereira, acadou o bronce en C1 júnior

 O mellor da xornada foi Luís Fernández, o padeeiro de Salceda proclamouse campión galego de C1 sénior e ademais foi bronce en K1 sénior. Brais Castro, na mesma categoría, foi terceiro en C1 e segundo en K1, o que lle supuxo un bronce e unha prata. Marina Ruedas, tamén sénior, acadou a medalla de prata co seu segundo posto na modalidade K1. Finalmente, Ariadna Pereira, na categoría júnior, foi bronce en C1 e prata en K1.  

Ariadna Pereira, dos Teixugos recolleu o trofeo correspondente o terceiro claisifdicados por equipos

 Impresionante balance para os Teixugos, pois todos os seus deportistas foron merecedores de medalla.  

 Na clasificación final por equipos remataron terceiros, por detrás do Piragüismo Penedo, que se proclamou Campión Galego, e do Club Tea de Mondariz.