A GUARDA

Cinema de Verán ao aire libre na Praza do Reló  

· A primeira será este mércores día 11 de xullo ás 22:30 horas coa proxección de “Un Italiano en Noruega”

Infogauda / A Guarda

 A Concellería de Cultura do Concello da Guarda oferta un ano máis o Cinema de Verán que nesta edición 2018 celebrarase na Praza do Reló, con 3 sesións de cinema para todos os públicos.  

 A primeira cita celebrarase este mércores día 11 de xullo ás 22:30 horas coa proxección de “Un Italiano en Noruega”, unha das películas máis taquilleiras en Italia, con máis de 10 millóns de espectadores.  

 A seguinte cita terá lugar o mércores 1 de agosto ás 22:00 horas, coa proxección de “La La Land”, unha homenaxe ao Hollywood dourado dos anos 50, e o venres 17 de agosto ás 22:00 horas coa proxección de “Bebé Jefazo”, unha divertida proxección recomendada para público infantil sobre o impacto que ten a chegada dun novo fillo/a á familia.  

 Dende a Concellería de Cultura anímase a todos os veciños e visitantes a gozar destas proxeccións ao aire libre na Praza do Reló.