O BNG MANIFESTA O APOIO AOS TRABALLADORES DAS CA CACHADAS
Ángel Luis Baz Vicente, portavoz municipal do BNG na Guarda: “O BNG insta publicamente á Consellería de Industria á que medie no conflito para non poñer en perigo os postos de traballo na empresa”
Ángel Luis Baz Vicente, portavoz municipal do BNG na Guarda
Infogauda / A Guarda
“O BLOQUE NACIONALISTA GALEGO quere amosar publicamente o apoio ao conxunto dos traballadores de Imerys Kiln Furniture, nas Cachadas, que reivindican un novo convenio que mellores as súas condicións laborais”. Así o ven de afirmar a este xornal dixital transfronteirizo Ángel Luis Baz Vicente, portavoz municipal do BNG na Guarda.
“A empresa ten que garantir a totalidade dos postos de traballo. A Xunta, por medio da Consellería de Industria, ten que mediar este conflito que pode afectar a 65 familias”, dixo Ángel Luis Baz Vicente.
Dende o BNG lembran “a situación que está a padecer tanto o concello da Guarda como a comarca, cunha crise económica que levou por diante empresas e postos de traballo, condeando á emigración a moitos dos seus habitantes”.
“O BNG insta á Consellería de Industria e ao propio Concello da Guarda a aunar esforzos para salvagardar os postos de traballo na factoría”, conclúe Ángel Luis Baz.
Ningún comentario:
Publicar un comentario