REMO ERGÓMETRO
NOVO ÉXITO DO REMEIRO DAMIÁN ALONSO ALONSO
No Campionato de Mundo de Remo Indoor logrou dous ouros e un bronce
Infogauda / Deportes
Como xa informamos na nosa edición do pasado sábado, o remeiro Damián Alonso Alonso, do clube Minero´s, de A Guarda, viaxou ata Alexandria, no estado de Virginia (Estados Unidos), onde os días 17 e 18 deste mes de febreiro de 2018 se disputou a XXXVIIª edición do Campionato do Mundo de Remo Indoor.
A magnífica preparación física e mental, así como súa capacidade de sacrificio e súa resistencia, fixeron posible que Damián Alonso Alonso comezase xa o sábado con un trunfo. Foi na súa primeira regata, na categoría Aberta (maiores de 23 anos) Homes, de 30´de duración, na que o remeiro guardés acadou a 1ª posición, e por conseguinte súa primeira medalla de ouro.
O domingo afrontaría dúas novas regatas acadando outra medalla de ouro na proba de 500 m., e unha de bronce na de 2.000 m.
En resumo: Dúas medallas de ouro e unha de bronce.
A verdade é que desde fai anos, Damián Alonso Alonso ven facendo unha magnífica labor deportiva e estes logros en un Campionato do Mundo de Remo Indoor, no que compiten os mellores remeiros do planeta, son boa proba da súa talla deportiva.
Ningún comentario:
Publicar un comentario