PIRAGÜISMO
7 MEDALLAS PARA OS TEIXUGOS
Na 2ª Copa de España de “Jóvenes Promesas”
Na 2ª Copa de España de “Jóvenes Promesas”
Informa (fotografías e Redacción): Rosa Fernández Carrera
Esta fin de semana disputouse na vila coruñesa de Dumbría a 2ª Copa de España “Jovenes Promesas”, na que compiten as futuras promesas do slálom, concretamente as categorías cadete, infantil A e infantil B.
A competición comezou a súa primeira fase o sábado e a segunda o domingo, sendo o resultado final a suma dos postos obtidos nos dous días. Foilles ben aos pequenos teixugos e teixugas, do Club Deportivo Miño - Teixugos que viñeron para a casa con sete medallas.
En Infantil B Muller, Ainhoa Barreiro acadou a prata por partida dobre, en K1 e en C1, e na mesma categoría Alba Soutelo foi ouro en C1 e cuarta en K1.
En Infantil B Home, Sergio Martínez foi prata en K1 e bronce en C1, na mesma categoría Samuel Castro foi o ouro en C1 e cuarto en K1 e Alexis Segadaes foi sétimo.
Na clasificación final por equipos, resultou gañador o Cadí Canoe-Kayak da Seu D´Urgell, seguido polo Club Santiagotarrak de Irún e o Piragüismo Penedo de Tui. O club Deportivo Miño-Teixugos acadou o cuarto posto.
Ningún comentario:
Publicar un comentario