A GUARDA

ÚLTIMA FIN DE SEMANA DA RUTA DO PINCHO DA LAMPREA DO MIÑO NA GUARDA

Este sábado 8 e o domingo 9 de abril son as derradeiras datas para degustar a lamprea en formato pincho a un prezo único de 2 €

Lamprea do río Miño, preparada o estilo bordalesa

Foto: C.A.G.

Infogauda / A Guarda

 Despois do primeiro fin de semana o viveirista e os restaurantes e bares que participan na Ruta do Pincho da Lamprea do Miño mostraron a súa satisfacción e afirman que a lamprea é un produto moi valorado na Guarda e entorno. Inclusive que grazas a esta ruta as novas xeracións comezan a probar este peixe grazas as diferentes elaboracións que ofrecen os establecementos participantes.

 Polo tanto, esta campaña gastronómica continúa esta fin de semana dando a coñecer este valorado peixe en horario de 11.00 a 13.30 horas e de 19.00 a 20.30 horas.

 Ademais de degustar a lamprea os participantes serán os responsables de escoller o establecemento no Concurso do Mellor Pincho da Lamprea do Miño xa que puntúan cada pincho mediante unha papeleta que cumprimentan e depositan nas urnas dispoñibles en cada establecemento.

 Para premiar a fidelidade dos participantes haberá un sorteo entre todas as papeletas depositadas nas urnas. O sorteo dos agasallos realizarase o mércores 19 de abril :

·        1º Unha caixa de 3 botellas de viño Albariño da Adega Rectoral do Umia.

·        2º Unha caixa de 3 botellas de viño Mencía  da Adega Rectoral de Amandi.

·        3º Unha caixa de 3 botellas de viño Ribeiro da Adega Alanís.

Organiza: Viveirista e pescadores do Miño da Guarda

Patrocina: Concello da Guarda

Participan 8 restaurantes e bares da Guarda:

· AS POZAS

· BITADORNA

· BRÉTEMA

· BRISAMAR

· RESTAURANTE CAMPING SANTA TECLA

· JAMONERÍA ANABEL

· MARBELLA

· XEITO