25/03/2017

DEPORTES

Tomiño celebra este sábado día 25 de marzo, a súa terceira Gala do Deporte 

Será no auditorio de Goián a partir das 20:30 horas 

Entre as novidades desta 3ª gala, figura un premio relacionado cos valores do deporte, o afán de superación deportiva, e o galardón “unha vida adicada o deporte”    


Infogauda / Goián

 Este sábado, día 25 de marzo, celebrarase a III Gala do Deporte en Tomiño. No acto, que terá lugar no Auditorio de Goián, ás 20:30 horas, farase entrega de diferentes premios aos deportistas destacados durante o último ano.     

 Entre estes galardóns están, coma vén sendo habitual, os de mellor deportista feminino e masculino, e mellor evento deportivo ou deportista con maior proxección de Tomiño. 

 Ademais, dentro das novidades desta 3ª gala, figura un premio relacionado cos valores do deporte, o afán de superación deportiva, e o galardón “unha vida adicada o deporte”.     

 Coma nas edicións anteriores, o encargado de presentar a gala, será o xornalista Terio Carrera, nesta oportunidade, acompañado polo actor José López-Suevos Otero, máis coñecido como Pepo Suevos.

Ningún comentario: