DEPORTES

HOCKEY LIÑA

A GUARDA HOCKEY LIÑA ESTRÉASE NAS CATEGORÍAS INFANTIL E FEMININA

Da Liga Galega 2016/2017

Miguel Fernández Lomba / A Guarda

 Quedaban dúas categorías por arrincar as súas respectivas competicións da Liga Galega de Hockey Liña e ámbalas dúas arrinca o vindeiro domingo día 27 no pavillón Daniel Cordido "A Piringalla" da cidade de Lugo. 

 O equipo feminino presenta un plantel renovado e cheo de caras novas, todas elas saídas da canteira do equipo guardés. As rapazas enfrontaranse ó Brigantium HL de Arteixo no seu primeiro encontro e as actuais campeonas galegas Lóstregos Femenino. 

 Por outra banda os nenos e nenas do equipo infantil disputarán os seus encontros fronte ó Lóstregos Norte e os Lóstregos Sur, ámbolos equipos pertencentes ó clube Lóstregos HL da cidade das murallas.