DEPORTES

O ATLETA JUNIOR JAVIER COSTAS, RECIBIDO NO CONCELLO DO ROSAL

Tras conseguir dúas medallas de prata no Campionato de Galicia de Pista Cuberta na pasada fin de semana

O alcalde do Rosal, Jesús Mª Fernández Portela felicitou o atleta Javier Costas polos seus logros deportivos
Fotos: C.O.R.

Infogauda / O Rosal

 Tras conseguir dúas medallas de prata no Campionato de Galicia de Pista Cuberta na pasada fin de semana; o mércores día 2 de marzo, o atleta Javier Costas, foi recibido na Casa do Concello polo alcalde do Rosal, Jesús Mª Fernández Portela e pola tenente de alcalde, Mª Carmen Alonso Alonso.  

 Javier Costas, nado en 1998, pertencente ao Club de Atletismo Coruña Comarca e adestrado polo guardés Sergio Rodríguez Teixeira, proclamouse subcampión galego de 200 metros e de salto de lonxitude (5'91 metros) en categoría júnior na competición celebrada o pasado sábado 27 de febreiro no Palacio dos Deportes de Riazor (A Coruña). 

 Destacar que o atleta rosaleiro logrou nos 200 metros un crono de 23.43, o que supón a súa mellor marca persoal, achegándose desta maneira á mínima para disputar o Campionato de España Junior.

A tenente de alcalde, Mª Carmen Alonso Alonso tamén cumplimentou a Javier Costas

 Tanto o alcalde como a tenente de alcalde, en nome do Concello do Rosal e dos seus veciños, felicitárono por estas dúas medallas de prata, desexándolle moita sorte en futuras probas deportivas.