GALICIA

EDUCACIÓN

A Consellería de Cultura e Educación convoca 1.112 prazas nas oposicións deste ano nunha aposta pola estabilidade laboral do profesorado galego 

A mesa sectorial do ensino debateu hoxe a distribución de prazas en cada especialidade 

Ademais tratouse a Orde de convocatoria de concurso de traslados, que incorpora a última xurisprudencia ao respecto 

A Administración informou aos sindicatos da súa decisión de manter a xustificación das ausencias por indisposicións ou enfermidades leves non superiores a 3 días, sempre e cando se achegue a pertinente xustificación documental

O director xeral de Centros e Recursos Humanos, José Manuel Pinal, presidiu a Mesa Sectorial Docente non Universitaria  

Fotor: Conchi Paz

Infogauda / Santiago de Compostela

 A Consellería de Cultura, Educación e Ordenación Universitaria confirmou hoxe a súa aposta pola estabilidade laboral do profesorado galego ao presentar diante da mesa sectorial do ensino non universitario unha proposta de convocatoria de oposicións con 1.112 prazas, o 100% da taxa de reposición. Neste sentido cómpre lembrar que a Consellería solicitou ao Goberno central o incremento desta taxa, co fin de manter o grao de interinidade como o máis baixo do Estado.  A distribución de prazas por especialidade queda como segue:

Especialidade	Prazas A2-A1	Libre	Total
Profesores de ensino secundario
Lingua Castelá e Literatura	14	56	70
Xeografía e Historia	11	44	55
Matemáticas	15	60	75
Física y Química	8	32	40
Bioloxía e Xeoloxía	9	36	45
Inglés	9	36	45
Educación física	4	16	20
Orientación educativa	5	20	25
Formación e Orientación Laboral	10	40	50
Hostalaría e Turismo	3	10	13
Informática	4	16	20
Intervención sociocomunitaria	4	16	20
TOTAL	96	382	478
Profesores técnicos de FP
Cociña e pastelería		12	12
Instalacións electrotécnicas		24	24
Mantemento de vehículos		24	24
Mecanizado e mantemento de máquinas		17	17
Servizos á Comunidade		20	20
Sistemas e aplicacións informáticas		25	25
TOTAL		122	122
Mestres
Educación infantil		186	186
Lingua estranxeira: inglés		56	56
Lingua estranxeira: francés		30	30
Educación física		40	40
Música		36	36
Pedagoxía terapéutica		56	56
Audición e linguaxe		56	56
Educación Primaria		40	40
TOTAL		500	500
Inspectores de Educación
		12	12
TOTAL			1.112

Concurso de traslados 

 A mesa sectorial tratou hoxe tamén a convocatoria de concurso de traslados no curso 2015/2016 entre persoal funcionario docente dos corpos de catedráticos e profesores de ensino secundario, escolas oficiais de idiomas, música e artes escénicas, artes plásticas e deseño, profesores técnicos de formación profesional, mestres de taller de artes plásticas e deseño, mestres, inspectores ao servizo da administración educativa e inspectores de educación.  

 O texto da convocatoria adáptase á última xurisprudencia ao respecto, é dicir, ás sentenzas referidas ao concurso de traslados convocado para o curso 2013/2014, que ratificaban a decisión da Consellería de contabilizar os méritos obtidos en situación de interinidade. Neste sentido, modifícase unicamente o subepígrafe 1.1.2, referido á puntuación por cada ano como persoal funcionario de carreira en situación de provisionalidade. O cambio precisamente refírese a que só se contabilizará esa provisionalidade – neste subepígrafe concreto, é dicir, para os que participen no concurso desde a situación de provisionalidade- ao persoal “funcionario de carreira” (con praza en propiedade) e non ao persoal “funcionario” (en xeral, incluíndo aos interinos), como se facía na de 2013. 

 En calquera caso, os servizos do persoal funcionario interino seguiranse contabilizando ao abeiro dos subepígrafes 1.1.1, 1.1.3, 1.2.1, 1.2.2 e 1.2.3, referidos á antigüidade no centro e no corpo, así como no apartado 4, relativo ao desempeño de cargos directivos e outras funcións.  

 Ademais, como situación excepcional, este ano convocarase un concurso autonómico aberto á entrada de persoal de outras Comunidades Autónomas, debido a que non o poideron facer no anterior concurso nacional, dadas as sentenzas arredor do devandito proceso do curso 2013/2014. 

Orde de permisos e licenzas 

 Na mesa sectorial de hoxe tratouse, finalmente, a orde para actualizar a regulación dos permisos, licenzas e vacacións do persoal docente, co fin de adaptala ao establecido na Lei 2/2015, do 29 de abril, do emprego público de Galicia. Este punto continuará debaténdose a próxima semana, xa que hoxe non foi posible por mor de falta de tempo.  

 En calquera caso, a Administración educativa informou aos sindicatos da súa decisión de manter como xustificadas as ausencias por indisposicións ou enfermidades leves non superiores a tres días, sempre e cando se achegue a pertinente xustificación documental.