VIGO

Os aparcadoiros do Hospital Álvaro Cunqueiro reducen tarifas é convértense, segundo o SERGAS, nos máis baratos de entre os aparcadoiros municipais de Vigo 

A primeira media hora é gratis, e o custe por hora queda fixado nun euro As tarifas máximas diarias son de 8 euros o subterráneo e de 10 euros o de urxencias 

Os aparcadoiros municipais chegan a custar ata 2,27 euros/hora e 25,30 euros/día Se consolidan ademais 180 prazas de estacionamento libre no exterior

Infogauda / Vigo

 O Servizo Galego de Saúde vén de acordar coa UTE concesionaria do Hospital Álvaro Cunqueiro que os dous aparcadoiros, tanto o subterráneo como o de urxencias, reduzan os seus prezos a partires de hoxe martes 1 de decembro, de tal xeito que a primeira media hora de aparcamento é gratis, a segunda media hora custa 0,9 euros, e o resto de horas teñen un custe dun euro por hora. 

 Ademais, os prezos máximos por día quedan tamén limitados a 8 euros no caso do aparcadoiro subterráneo, e de 10 euros no caso do aparcadoiro de urxencias, o que supoñen as tarifas máis baixas comparadas coas de calquera aparcadoiro municipal da cidade de Vigo, tanto no prezo por hora -que chegan a custar ata 2,27 euros- coma no prezo máximo por día -que nalgún caso acada os 25,30 euros-. 

 Deste xeito, se mellora notablemente a accesibilidade de pacientes, profesionais e visitas ao Hospital Álvaro Cunqueiro. Precisamente nesta liña de mellora, e ante a escasa oferta actual de espazos alternativos onde estacionar os vehículos nos arredores -non urbanizados- do centro sanitario, se consolida tamén a dispoñibilidade de 180 prazas no exterior totalmente gratuítas, situadas na balsa onde estaban anteriormente os taxis.

Novos prezos aparcadoiro HAC
Primeira media hora nos dous aparcadoiros	Gratis
Segunda media hora nos dous aparcadoiros	0,9 euros
Resto de horas	1 euro
Máximo por día no aparcadoiro subterráneo	8 euros
Máximo por día no aparcadoiro de urxencias	10 euros
Bono para profesionais (subvencionado polo Sergas)	30 euros