A GUARDA

DEPORTES

TORNEO DE HOCKEY LIÑA FESTAS DO MONTE SANTA TREGA, 2015

A Guarda Hockey Liña

 Este sábado día 1 de agosto disputarase no pavillón Antonino Torrón, do CEIP As Solanas, a edición 2015 do tradicional Torneo de Hockey Liña que organiza o clube local co gallo das Festas do Monte Santa Trega. En esta edición poderemos vivir catro emocionantes encontros do mellor Hochey Liña.  

 As catro da tarde comezará o torneo coa disputa do partido da categoría infantil entre os equipos da canteira do Clube local A Guarda Hockey Liña; a seguir, a iso das cinco da tarde será o turno do hockey feminino, co enfrontamento entre os equipos A Guarda Hockey Liña e CHL Meigas, equipo da cidade de Lugo recén ascendido a Liga Élite Nacional. As sete da tarde xogarase o trofeo masculino, entre o equipo local A Guarda Hockey Liña e un combinado dos equipos Cabuxos de Lugo e os Blue Ringed de Vigo. O remate deste partido realizarase a cerimonia de entrega dos trofeos e a seguir e como novidade desta edición do Torneo Festas do Monte os xogadores e xogadoras de tódolos equipos participantes xogarán un partido de exhibición mixto entre os equipos do norte e os equipos do Sur, coma punto final a celebración do torneo.  

 Dende o Clube organizador A Guarda Hockey Liña queren agradecer a colaboración da Comisión das Festas do Monte así coma do Concello da Guarda en este evento.