CULTURA
Val del Omar no CGAC
CGAC / Santiago de Compostela
O conselleiro de Cultura, Educación e Ordenación Universitaria, D. Román Rodríguez González, ten o pracer de convidar a vostede á inauguración da exposición
Val del Omar
A mecamística do cine
que terá lugar no CGAC o vindeiro venres, 24 de abril de 2015, ás 20:30 h
A obra de José Val del Omar (Granada, 1904-Madrid, 1982) é o resultado das súas facetas de inventor, poeta visual e cinemista. Con este neoloxismo Val del Omar quixo unir a actividade do alquimista e a do cineasta e definir deste xeito a súa orixinal aproximación ao cinema: a través da investigación tecnolóxica e dunha estética experimental propia. A exposición realiza un percorrido pola obra de Val del Omar a partir dun concepto que sobrevoa toda a súa traxectoria: a mecamística. Outro neoloxismo (creado a partir de “mecánica” e “mística”) co que o artista granadino se refería ao universo das máquinas, ás que se enfrontaba, do mesmo xeito que á realidade, cunha actitude mística, buscando ver máis alá do inmediato da tecnoloxía.
Exposición organizada polo Museo Nacional Centro de Arte Reina Sofía e producida por Obra Social “la Caixa”.
CENTRO GALEGO DE ARTE CONTEMPORÁNEA
Ramón del Valle Inclán 2,
15703 Santiago de Compostela
cgac@xunta.es / www.cgac.org
Ningún comentario:
Publicar un comentario