A DEPUTACIÓN CONCEDE 170.000 € AO CONCELLO DE TOMIÑO PARA AMPLIAR E
REFORMAR O AUDITORIO DE GOIÁN E CONVERTILO EN CENTRO DOCENTE DE ENSINO DE
MÚSICA
As obras de ampliación e reforma do Auditorio de Goián ainda continúan a bo ritmo - Foto: Concello de Tomiño
Infogauda / Goián
A Deputación de Pontevedra aprobou o venres a concesión de
170.000 € ao Concello de Tomiño para ampliación e reforma do Auditorio de
Goián, na súa cuarta fase.
O Auditorio de Goián sitúase na parroquia do mesmo nome,
nunha zona destinada a equipamentos que fai esquina entre os viais da avenida
do Brasil e a avenida Pío Troncoso. Sobre a mesma parcela está construido o
pavillón de deportes e o Auditorio.
A obra para a que a Deputación acaba de conceder 170.000
euros trata de acondicionar o edificio Auditorio como centro docente de
ensinanzas artísticas elmentais de música.
O Concello elaborou o proxecto da primeira fase en 2013,
que adxudicou a Hidromiño, S.L. e está a piques de rematar. No ano seguinte, a
empresa AlvamaGoianesa resultou adxudicataria da segunda fase, nunhas obras que
hoxe se atopan en execución.
En 2015, o Concello elaborou o proxecto para desenvolver
a cuarta fase da obra que é para a que a Deputación aporta hoxe 170.000 euros.
Esta fase consiste en prolongar o volume iniciado na fase I cos aseos, enchendo
asi o valeiro entre o Auditorio e o pavillón, co cal se consigue unificar os
dous equipamentos (pavillón e auditorio).
No proxecto aprobado, crearáse un novo acceso ao
escenario, dotaráse duns camerinos a cota do escenario; crearáse unha antesala do
esceario; e xeneraráse un corredor que comunique o novo volume co Auditorio.
.jpeg)
Ningún comentario:
Publicar un comentario