OIA

CONVERXENCIA GALEGA SOLICITA A DOTACIÓN DE MEDIDAS DE SEGURIDADE VIAL EN DIFERENTES LUGARES DO POBO

José Manuel Romero Martínez ROMERO”, Responsable Local de Converxencia Galega

Infogauda / Oia

 José Manuel Romero Martínez ROMERO”, Responsable Local de Converxencia Galega, ven de presentar no rexistro de entradas do Concello de Oia, á seguuinte comunicación:

FALTA DE SEGURIDADE VIAL EN OIA

 Dende fai moitos anos, o Concello de Oia, está esquecida por moitas administracións, pero fundamentalmente pola propia Administración Local, namentras outros concellos veciños están incrementando medidas para mellorar a seguridade vial dos propios veciños/as.

 O normal nos concellos da comarca é que os vehículos circulen polos tramos urbanos nas proximidades das escolas e colexios a velocidades reducidas, xustamente o que non acontece en Oia, localidade que asemella que as normas máis básicas de tráfico, de seguridade e civismo, que non existen. Aquí en Oia  nas zonas urbanas o máis normal é ollar motos e vehículos, circulan con exceso de velocidade.

 Poderíamos facer distintos comentarios sobre o que acontece a diario, pero para poñer un exemplo, diante da GALE-ESCOLA “GALIÑA AZUL” faise necesario ter un paso de peóns, co seu correspondente resalte, para que os vehículos circulen a unha velocidade reducida, así coma tamén para dar servicio os país, nais e nenos/as da citada escola.

 Namentras noutros concellos o normal é atopar na súa entrada e saída dos núcleos urbanos varios pasos de peóns para facer que así os vehículos circulen a velocidade moderada, en Oia acontece totalmente o contrario, hai unha total ausencia destes elementos, o que indica a pouca ou total deixadez na seguridade dos/as veciños/as por parte do Goberno Municipal, que leva anos sen ser capaz de poñer en funcionamento este tipo tan básico de medidas.

 Dende Converxencia Galega, queremos denunciar a pasividade e total inutilidade do Goberno Municipal en aportar medidas de seguridade vial no noso Concello, situación que redunda en que sexamos un dos concellos galegos con máis alta taxa de accidentes circulatorios e en atropellos.

 Dende Converxencia Galega, vimos a solicitar para que o Concello de Oia, de inicio a levar a cabo a planificación e xestión necesaria diante das Administracións que corresponda, a fin de que no menor tempo posible, sexa unha realidade a instalación das pertinentes medidas de seguridade nos distintos puntos urbanos do noso pobo, para mellorar a situación vial e de integridade dos/as veciños/as.

Oia, a 13 de marzo de 2.015

  

José Manuel Romero Martínez “ROMERO”   

Responsable Local de Converxencia Galega

Sr. Alcalde-Presidente do Concello de Oia