A GUARDA

CONVERXENCIA GALEGA PRESENTA UNHA MOCIÓN PROPONDO UN PROGRAMA DE SUSTITUCIÓN DOS POSTES DE SERVIZO ELÉCTRICO, TELEFÓNICO E DE ALUMEADO PÚBLICO QUE SUPOÑEN UN PERIGO PARA OS CIDADÁNS

Beatriz Estévez Álvarez, Concelleira-Portavoz de Converxencia Galega no Concello de A Guarda

 Infogauda / A Guarda

 Para seu debate na vindeira sesión plenaria do Pleno da Corporación Municipal de A Guarda, e aprobación se procede, Beatriz Estévez Álvarez, Concelleira-Portavoz de Converxencia Galega no concello guardés, ven de dar á coñecer o contido da moción que presentou no rexistro municipal de entradas do concello, e na que expón o seguinte:

PROGRAMA DE REVISIÓN, INSPECCIÓN E SUSTITUCIÓN DE POSTES DE  TENDIDO ELÉCTRICO, TELEFÓNICO E DA ILUMINACIÓN PÚBLICA

        

 En diversas ocasións, na maioría das veces, por indicación de veciños/as preocupados polas moitas deficiencias, carencias e signos de deterioro, - que multiplican as posibilidades de accidente s- nos elementos que soportan os tendidos das redes eléctricas, telefónicas e de iluminación públicas, temos feito un seguimento a estas instalacións, tomando nota escrita ou gráfica, e despois de haber feito pública esta problemática nos medios de comunicación e por escritos presentados no Rexistro Municipal, sin que se note que se tomara ningunha medida polo actual Equipo de Goberno,  xa de maneira directa ou facendo a reclamación pertinente a empresa que lles corresponda.

 Entre os diferentes problemas que calquer/a veciño/a pode detectar sin gran esforzo, é a presencia de diversos postes de ferro, (raíles de vías férreas) que teñen máis de CINCUENTA (50) ANOS instalados, e que na maioría dos casos, presentan avanzados casos de corrosión, sin que dende fai moito tempo, non haxan recibido ningún tipo de tratamento, aillamento, etc.,  o que os fai moi propensos a ser instrumentos de alto risco potencial dunha descarga eléctrica por contacto, sen que amosen ningunha sinal de perigo, ou aqueles que están moi carcomidos pola salitre, que en calquer momento poidan virse abaixo, e tendo instalado na súa estructura farolas do alumeado público.

 Este tipo de instalacións, son un “espectáculo” que deteriora a imaxe urbana, sendo un reflexo da precariedade do tipo de instalación, ausencia de seguridade, ou o que o mesmo, un fiel reflexo do estado de deixadez e abandono o que nos ten sometido o actual Equipo de Goberno do PSOE, encabezado polo Sr. Freitas.

 Dende Converxencia Galega, consideramos que se debera levar a cabo diversas actividades de prevención para minimiza-los riscos e tentar de implementar medidas para reducir o perigo existente.

 Por tódolo exposto, dende Converxencia Galega, vimos a presentar para o seu debate e aprobación a seguinte Moción:

 1º).- Dar inicio cas distintas empresas suministradoras de Electricidade e Telefonía, da planificación para a sustitución dos existentes en forma de raíl de vía férrea por outros máis idóneos e que cumplan as medidas mínimas de seguridade.

 2º).- Inspeccionar, reparar e/ou sustituir tódolos postes de madeira ou de outros materiais, tras verificalo séu estado de conservación e adaptación as esixencias técnicas actuais.

 3º).- Inspeccionar, reparar e/ou sustitui-los postes de tendido eléctrico, telefónico e de iluminación que por circunstancias diversas teñen unha ubicación que comprometa a seguridade viaria, ou nos que a súa estabilidade vertical non sexa a máis axeitada a seguridade para peatóns.

A Guarda, a 13 de xaneiro do 2.015

Beatriz Estévez Álvarez

Concelleira-Portavoz de Converxencia Galega

  

Sr. Alcalde-Presidente do Concello de A Guarda