VIGO

  O GRUPO INFORMAL RUELA AXUDA A MELLORAR Á INTEGRACIÓN SOCIAL  DAS PERSOAS CON ENFERMIDADE MENTAL

●     Segundo o censo da Consellería de Traballo e Benestar, en Galicia hai 41.533 persoas con certificado de discapacidade por enfermidade mental.

●     O 80% destas persoas son atendidas na casa soamente un 20% reciben atención sociosanitaria.

Miguel Eiroa / Vigo

Cos argumentos mencionados anteriormente na man naceu o Proxecto Actúa creado polo Grupo Informal Ruela fundado no marco das axudas da Dirección Xeral de Xuventude e Voluntariado previstas no programa de accións voluntarias  “Iniciativa Xove 2014”.  O proxecto nace cun obxectivo claro, mellorar a integración social das persoas con enfermidade mental. O canle para conseguilo nesta ocasión encontrámolo a través do teatro terapéutico e a equinoterapia coa meta final de presentar a obra teatral no II Certame Igualarte, organizado pola Fundación IgualArte.

O proxecto móstrase ricamente beneficioso. Para os participantes con enfermidade mental axudará a aumentar os niveis de autoestima, confianza e autonomía, mentres que para os voluntarios da poboación en xeral que participen enriqueceranse dunha experiencia moi agradable a nivel persoal, favorecendo a eliminación de ideas erróneas, estereotipos e posibles prexuízos.

                       Grupo de Teatro

Destinatarios

Por unha parte os beneficiarios directos os cales serán persoas diagnosticadas dunha enfermidade mental grave e persistente, que teñen a sintomatoloxía estabilizada. Por outra banda, beneficiarios indirectos, os familiares/coidadores de persoas con enfermidade mental. E por último, tanto os integrantes do grupo como a poboación voluntaria da poboación en xeral interesada en participar no proxecto.

Finalmente a día de hoxe xa rematando o proxecto contamos coa participación directa  de 28 persoas contabilizando as persoas con enfermidade mental, voluntarios da poboación en xeral e os voluntarios do Grupo Ruela. Finalmente se temos en conta os beneficiarios do respiro familiar (familiares/coidadores) encontrámonos con arredor de 70 persoas beneficiadas.

Execución

A totalidade do proxecto inclúe vinte sesións de teatro terapéutico e seis sesións de equinoterapia. Ditas sesións leváronse a cabo no verán cunha regularidade de dous días á semana no caso do teatro terapéutico e unha única sesión semanal de equinoterapia.

Ditas sesión impartíronse nunha aula do colexio Compañía de María, situado na rúa Ecuador. Por outra banda, as sesións de equinoterapia realizárone no centro hípico La Muralla. Os días previstos para as sesións de teatro son os martes e xoves de xullo e agosto de 11 ás 13:30 horas mentres que as sesións de equinoterapia serán seis mañás de sábados de xullo e agosto.

Actualmente estamos a rematar o proxecto finalizando a última semana de ensaios para grabar o video necesario para presentar a candidatura o II Certame Igualarte. En canto a equinoterapia o vindeiro sábado faremos asistiremos a derradeira sesión no Centro Hípico La Muralla.

O Grupo Informal RUELA, formado recentemente para executar o proxecto Actúa está formado por sete  mozos e mozas voluntarios naturais de Cangas, Moaña e Vigo.  A experiencia vivida fainos replantexarnos a necesidade de seguir a diante con novosproxectos en beneficio das persoas con enfermidade mental para poder aportarlles o soporte sociosanitario que lles favoreza a mellora da súa calidade de vida.