SALCIDOS (A GUARDA)

CONVERXENCIA GALEGA FAISE ECO DO USO PRIVATIVO DE UN TRAMO DE VÍA PÚBLICA

Infogauda / Salcidos


 O Grupo Municipal Converxencia Galega, con representación na Corporación Municipal de A Guarda, ven de presentar no rexistro de entradas do concello, á seguinte comunicación:



Xosé María Martínez Rodríguez, Responsable Local de 

Converxencia Galega,

E X P O N:

            Dende o pasado día 4 de agosto, e trala denuncia de varios/as veciños/as que por motivos de traballo (distribuidores de alimentos, gasóleo, butano, productos do campo, etc.) usan ese vial, podemos enteirarnos de que unha parte do remate do Terceiro Transversal La Cruz había sido ocupada/cerrada por unha persoa que a reclamaba como propia, colocando unha cadena cunha placa de “propiedad privada”, situación que foi posta en coñecemento da Policía Local, tramitando a denuncia o Departamento de Urbanismo que sinala o seguinte: “(...) procedeuse a instalación dunha cadea a modo de peche en parte do tramo de vía pública situado fronte a súa vivenda sen a correspondente licencia (...)”.

            Cando está rematando o mes, a situación é a mesma, namentras o Alcalde, titular e en funcións, o Concelleiro de Vías e Obras, así como tamén o Departamento de Urbanismo, parece que non se enteiran de nada e de “propina” adícanse a “liar” de tal maneira a madeixa, que a situación vai prolongarse no tempo ata que o óxido corroa a varilla clavada no chán e caia a cadea.

          Logo noutro apartado do documento que nos foi facilitado do Informe Técnico Municipal, encontramos unha serie de contradicións asinadas polo aparejador municipal, nas que podemos atopar o “técnico” sinala: “(...) incoar o correspondente expediente de reposición da legalidade, comunicándollo o interesado(...)” e logo a continuación decir todo o contrario: “(...) instruir o expediente de reposición da legalidade logo da audiencia o interesado (...)” E namentras os que precisan usar o vial “PÚBLICO” según o técnico, teñen que esperar a que se resolva o “asunto” que polo que se mira vai ter unha larga duración.

            Según expresións reflexadas no documento se sinala que: “(...) dito tramo é de titularidade pública (...)” e se remata sinalando: “(...) que pretende usurpar coa cadea (...)” ¿Cales son os “impedimentos legais” para actuar dende o Concello e deixar espedita a zona como teñen feito noutras situacións semellantes? Sería bó saber si teñen a mesma “eficacia” cando algún veciño ou constructor deposita na vía pública algún material durante unhas horas denantes de metela na vivenda ou na obra. Creemos que hai que chegar a conclusión que cos débiles son moi fortes, pero que cos fortes son moi débiles.¡¡A bó entendedor...!!

        Dende Converxencia Galega, vimos a solicitar que se dé unha solución inmediata a esta problemática que está provocando grandes atrancos aquelas persoas que por motivos de traballo teñen que acudir a ese lugar no reparto de materiais alimenticios, agrarios, de construcción, etc.

A Guarda, a 25 de agosto do 2.014

  

Xosé María Martínez Rodríguez “Chechu”

Sr. Alcalde-Presidente do Concello de A Guarda