A GUARDA

CONVERXENCIA GALEGA INFORMA SOBOR DA ROTONDA DO VIAL ENTRE A GÁNDARA E PINTÁN

     Con sorpresa, os guardeses podemos ollar na prensa do día 20 de Marzo, como o Sr. Alcalde, nunha demostración máis de desfachatez, prepotencia e total ausencia de memoria (dende logo desmemoria interesada), sae cunhas declaracións sobre este tema arrogándose iniciativas que non son tal.

No Pleno Ordinario do Mes de Xaneiro do 2014, tanto él como o séu Grupo Municipal, somentes respaldaron na Moción de Converxencia Galega no primeiro apartado que decía textualmente: Solicitar da Xunta de Galicia o estudio e construcción dunha solución arquitectónica que garanta a seguridade vial dos peóns que circulen entre os barrios de Pintán e A Gándara.

            Os outros dous puntos da Moción sinalada, foron aprobados, gracias ós votos do Partido Popular, Bloque Nacionalista Galego e Converxencia Galega; xa que os oito (8) votos do Grupo Municipal Socialista foron negativos. Polo tanto o PSOE co Alcalde Freitas a cabeza, votaron en contra das seguintes propostas que decían o seguinte:

            Nº 2.- Solicitar da Xunta de Galicia que no estudio do apartado anterior, haxa unha opción para vehículos agrícolas de porte reducido.

            Nº 3.- Solicitar da Xunta de Galicia, a adopción na rotonda de elementos apantalladores que minimicen o impacto sonoro e visual do tránsito que circule dentro da rotonda e áreas próximas.

Polo menos, por decencia democrática, xa que “o cortés non quita o valente”, debería facer referencia o Grupo Municipal que fixo a proposta plenaria, o que fai que reiteremos que o Grupo Municipal Socialista, ten esgotado o “banco de ideias”, aprópiase a dos outros para tentar “colgarse a medalla”; realmente esta legislatura está a demostrar a inutilidade do PSOE guardés, están amortizados e son o pasado que resiste a deixar paso ó futuro, que eles non representan.

Por elo, queremos facer público para o coñecemento dos veciños/as, para que sepan a verdade e a maneira de actuar que ten o Equipo de Goberno Municipal encabezado polo Alcalde, Sr. Freitas.

A Guarda, a 21 de Marzo do 2014

  

Xosé María Martínez Rodríguez

Responsable Local de Converxencia Galega

  

Sr. Alcalde-Presidente do Concello de A Guarda