A GUARDA

TRIBUNA ABERTA

¡¡TODOS IGUAIS DIANTE DA LEI!!

            Cando algún veciño por despiste ou por problemas económicos atrásase no pago de calquer recibo dos servicios municipais, inmediatamente recibe notificación de vía de apremio e de non actuar, se procede ao embargo da deuda na súa conta bancaria. Ata aquí, todo ben, pero logo temos as “excepcións” aqueles que son sancionados por vía decreto da alcaldía e logo non pagan, ¡¡as causas non as sabemos, pero hai algúns!!....

          Imos referirnos a un caso que consideramos que ten o séu remate no  Decreto 1082 do 29.11.2013, por medio do cal o Sr. Alcalde, pasa de 300 a 1.000,00 € a sanción ¿mensual? ¡¡non!! A impón cando chega algunha requisitoria dos Xulgados ou os afectados acuden a él e protestan pola situación que están padecendo.

  Con data 30 de xuño de 2008 (RE 5351) ten entrada no Concello da Guarda sentencia 00453/2008, do Tribunal Superior de Xustiza de Galicia, desestimando o recurso de apelación 0004233/2006, interposto, en relación cos Decretos da Alcaldía de 20/09/2002 e 18/06/2003 e acordo da Xunta de Goberno Local de 23/11/2004, sobre demolición de obra constructiva.

Dos datos obrantes no Concello, en virtude do Decreto 138/2003 se ordena efectúa-la demolición das obras de edificación  e se procede á imposición dunha multa coercitiva por un importe de 300,51 euros, notificándoselle o dito decreto en data 11 de marzo de 2003, e impoñéndoselle posteriormente  as seguintes  multas pola cantidade de 300,51€ cada sanción:

DECRETOS do 2003 nº  34 e 670  do 11/09/ e 12/09

DECRETO   do 2004 nº  1027 do 18/12

DECRETOS do 2005 nº 15, 117e 155 de 19/01, 15/02 e 28/02

DECRETOS do 2009 nº 142, 389, 792 e 793 de 25/02, 20/05, 29/09 e 29/09

DECRETOS do 2010 nº 017,  018 e 083 de 22/01, 22/01 e 15/02

DECRETOS do 2011 nº 297, 439, 525,  684, 771 e 903 do 06/06, 08/07, 11/08, 30/09, 07/11 e 20/12

DECRETOS do 2012 nº  032, 147, 282, 356, 613, 614, 669,  do  23/01, 12/03, 14/05, 19/06, 08/10, 08/10 e  09/11

DECRETOS do 2.013 nº 034, 092 e 145 do 24/01, 13/02 e 06/03

        Isto indica que do ano 2003 adeuda 601,02;  do 2.004, son 300,51; do 2.005 son 901,53;  do 2.009 son 1.202, 04; de 2.010 son 901,53; de 2.011 son 1.803,06; de 2012 son 2.103,57 e de 2013 a cantidade de 901,53 €, , o que fai unha débeda de 8.714,79 €

       Nos decretos da Alcaldía, se comunica que o non axustarse as obras á licencia 187/1993 se non fai a demolición,  o Concello poderá proceder á execución subsidiaria da orde de demolición ben polo persoal municipal ou contratando a unha empresa especializada, ou a execución forzosa mediante a imposición de multas coercitivas, reiterables mensualmente, ata  a consecución da demolición en contía de 300 a 3.000 euros cada unha. (como se pode ver na relación dos decretos as multas se impoñen cando os afectados protestan ou se recibe algún escrito do Xulgado).

   

Periódicamente (NON MENSUALMENTE) a Alcaldía ven impoñendo multas coercitivas sen que ata a data teña procedido a demolición das obras ilegais. Así mesmo, con data 5 de Novembro de 2009 presentou un escrito no Concello de A Guarda acompañado dun informe técnico no que interesa que se declare a imposibilidade material de dar cumprimento á resolución da  Alcaldía de data 27 de Novembro de 1997, sentencia do Tribunal Superior de Xustiza de 17 de Xaneiro de 2002, procedendo ó arquivo do expediente iniciado mediante Decreto da Alcaldía nº 138/2003, de 20 de Marzo, comunicando dita resolución a Sa do Contencioso-administrativo do Tribunal Superior de Xustiza de Galicia.

Tal solicitude foi informada polo Arquitecto municipal en sentido desfavorable o 17 de Decembro de 2009, concluíndo que “non se consideran que os aspectos funcionais, económicos é técnicos ós que se refiren as consideracións presentadas sexan relevantes para imposibilitar  a execución da demolición ordenada polo Decreto 138/2003”, e que a Alcaldía de A Guarda dictou resolucións 17 e 18/2010 de 20 de Xaneiro impoñendo  novas multas coercitivas, as cales mereceron o correspondente recurso de reposición mediante escrito de 15 de Febreiro de 2010.

Trala imposición dunha multa coercitiva en data 15 de Febreiro de 2010, presentan escrito o 4 de Marzo  de solicitude de imposibilidade material de cumprimento da demolición, que é  informado jurídicamente o emitido 11 de maio de 2011, en sentido desfavorable.

Mediante Decreto 0276/2011 de 16 de maio se acordou:

1º.-  Rexeitar as solicitudes de inexecución por imposibilidade material dos Decretos da Alcaldía de datas 20 de Setembro de 2002 e 7 de Marzo de 2003 formuladas mediante escritos de datas 27 de Outubro de 2009 e 4 de Marzo de 2010.

2º.- Rexeitar o recurso de reposición emprendido polo mesmo interesado mediante escrito de 15 de Febreiro de 2010 contra os Decreto 17 e 18/10, de 20 de Xaneiro.

3º.- Denega-la suspensión da execución dos Decretos 17 e 18/2010 por non concorrer os motivos previstos no artigo 111.2 da LRJPAC.

Mediante sentencia 262/2012 o Xulgado do Contencioso-Administrativo nº 1 de Pontevedra desestimou o recurso entablado contra a resolución da Alcaldía de 16 de maio de 2011 que rechaza as solicitudes de inexecución por imposibilidade material dos decretos de datas 20 de setembro de 2002 e 7 de marzo de 2003, que ordenaban a demolición da vivenda do recurrente.

Impoñer unha multa coercitiva de 300,51 euros (trescentos euros con cincuenta e un céntimos), correspondente ó mes de SETEMBRO de 2012, (ESTAS MULTAS SON  DO ANO 2.012 E IMPOSTAS NO 2.013 -e están sen pagar -) multas coercitivas que se reiteraran mensualmente, ata  a consecución da demolición en contía de 300 a 3.000 euros cada unha. (non se fixo).

Agora van multalo con 1.000€ pero…¿cando? A día de hoxe, NON SE COBROU NADA, ¡de que vale que impoñan multas se logo non as cobran! ¿Por qué non fan o mesmo cando algún veciño/a non paga os recibos da auga, lixo, alcantarillado ou da urbana? ¿Por qué non se recarga cos atrasos e intereses como fan nos outros casos? ¿Por qué non se abre expediente de apremio e se bloquea e embargan as cantidades na conta bancaria? ¿Por qué un blancos e outros negros?

¿Canto diñeiro levaremos gastado en abogados –neste caso- para nada? ¿Cantos expedientes e  procedementos estarán na mesma situación?

A Guarda, a 24 de Decembro do 2.013

       Xosé María Martínez Rodríguez “Chechu”

Responsable Local de Converxencia Galega

Sr. Alcalde-Presidente

Concello de A Guarda