VAL MIÑOR

• O dúo Minie e Mero pecha a tempada 2012 – 2013 das TERTULIAS do IEM
• O Proxecto Ríos e A Groba convocan voluntarios para unha limpeza do Río Zamáns entre Vilaza e Vincios.
• Unha folga do lixo en Nigrán asoma ás portas do verán
• A comisión de urbanismo de Nigrán dá o visto e prace ao PXOM, apoiado só polo goberno
• UCN sospeita da uxencia de Alberto Valverde para aprobar o PXOM

O dúo Minie e Mero pecha a tempada 2012 – 2013 das TERTULIAS do IEM Posted: 06 Jun 2013 03:11 PM PDT Xosé Luis Rivas Cruz e Baldomero Iglesias Dobarrio, máis coñecidos como Mini e Mero serán os protagonistas dunha nova TERTULIA do IEM coa que se pecha o ciclo 2012 – 2013. O acto terá lugar na Aula de Cultura Ponte de Rosas (Avda. da Feira, 10 baixo, Gondomar) este venres 7 de xuño ás 20:30 horas. Mini e Mero ademais da súa faciana como dúo de músicos e cantautores (membros históricos de Fuxan os Ventos e a máis recente A Quenlla), achegarán as súas experiencias como investigadores do folclore e a cultura tradicional do país.

O Proxecto Ríos e A Groba convocan voluntarios para unha limpeza do Río Zamáns entre Vilaza e Vincios. Posted: 06 Jun 2013 03:03 PM PDT O vindeiro domingo 16 de xuño as dez da mañá, voluntarios de Proxecto Ríos e da asociación ecoloxista A groba farán unha xuntanza común co fin de chamar a atención do estado dos ríos. Neste caso a intervención farase nun treito determinado do curso medio do río Zamáns entre Vilaza, Chaín e Vincios. Realizarase unha limpeza dunha zona moi concreta de alto valor ecolóxico e etnográfico que leva moitos anos maltratada con entullos e que serve, nalgúns casos, de vertedoiro incontrolado de innumerables residuos. Convócase a veciñanza e a tódalas persoas sensibles co medio ambiente. Tódolos interesados poderán informarse desta actividade chamando o teléfono 627 27 68 16

Unha folga do lixo en Nigrán asoma ás portas do verán Posted: 06 Jun 2013 07:45 AM PDT Os traballadores do servizo de recollida de lixo de Nigrán (Pontevedra), do cal se encarga a empresa concesionaria Cespa, acordaron convocar folga indefinida a partir do próximo 14 de xuño.

A comisión de urbanismo de Nigrán dá o visto e prace ao PXOM, apoiado só polo goberno Posted: 06 Jun 2013 05:24 AM PDT O concello de Nigrán ven de celebrar a comisión de urbanismo polo que da o visto bo para aprobación inicial do Plan Xeral de Ordenación Municipal. O PSOE solicitou sen éxito a corrección da cartografía se actualizar do plan, a delimintación das parcelas para que os propietarios podan ubicar as súas propiedades, a retirada da autovía Saiáns - Porto do Molle e a retirada do porto deportivo en Panxón. Por outra banda pediu máis tempo para a revisión do documento; solicitudes que foron rexeitadas polo alcalde Alberto Valverde e o resto de membros do goberno municipal. O BNG pola súa banda, argumentou o súa negativa de apoio na comisión, por non ter tempo a revisar o documento, e en último caso condicionaba o apoio do seu partido segundo a decisión do goberno de apoiar ou non as propostas presentadas polos socialistas, que finalmente foron rexeitadas.

UCN sospeita da uxencia de Alberto Valverde para aprobar o PXOM Posted: 06 Jun 2013 07:23 AM PDT O portavoz da formación Unión Centrista de Nigrán-Centro Democrático Liberal (UCN-CDL), Antonio Fernández, solicitou sen éxito no último pleno ao alcalde Alberto Valverde, que demore a aprobación inicial da PXOM, polo menos un mes, para proceder ao estudo e análise do documento urbanístico de forma exhaustiva por parte dos membros da Corporación, antes de someter á consideración do Pleno, xa que se trata dun documento importantísimo de vital importancia para o futuro desenvolvemento do municipio, polo que require tomar en serio e estudar con rigor o seu contido, antes de proceder a súa votación.   Fonte: valminor.info