PÍAS (O ROSAL)

O ESCRITOR PRAXÍTELES GONZÁLEZ MARTÍNEZ PRESENTOU NA FEIRA DE SAN GREGORIO, SEU LIBRO "YO TAMBIÉN FUÍ CONTRABANDISTA EN EL ESTUARIO DEL MIÑO"

O alcalde do Rosal, Jesús María Fernández Portela, acompañado da Concelleira de Culturado, Charo Tabales Perozo, e do seu homólogo de A Guarda, agradece públicamente á labor do escritor rosaleiro Praxíteles González Martínez, situado a seu carón.

Infogauda / O Rosal

Presidida polo alcalde do Rosal, Jesús María Fernández Portela, que estivo acompañado pola concelleira de Cultura, Charo Tabales Perozo, e polo alcalde de A Guarda; pouco despois das 18:15 h. de onte, tivo lugar na Estrada (Pías), á presentación do novo libro do escritor Praxíteles González Martínez, que leva por título "Yo también contrabandista en el estuario del Miño".

Á presentación correu á carrego de Ricardo Rodríguez Vicente, que na súa intervención dixo, entre outras cousas, o seguinte:

"(...) A petición do amigo Praxíteles González Martínez, voltamos a ter á honra de dirixirnos o respectable público, para presentar un libro da autoría deste inquedo veciño do Cotro, que ven amosando unha loable labor por recoller en libros da súa autoría, imaxes, vivencias, e testemuñas de uns tempos doutrora. E ten moito mérito, porque adícalle seu tempo e seus cartos. E decir, estamos falando de un autor, que ademáis da labor de escritor, é tamén editor e distribuidor. Por todo iso, noso público recoñecemento para Praxíteles, e tamén a súa dona e fillos, que cada ún do seu xeito, lle amosan seu agarimo e apoio total. Doutro xeito non sería posible que este autor nos dese á posibilidade de acceder os libros que ata o de agora ten publicado.

O libro que hoxe presenta Praxíteles González Martínez, que leva por título “Yo también fuí contrabandista en el estuario del Miño”, é – ademáis de toda unha confesión pública – unha homenaxe a todas aquelas persoas que interviron na que poderíamos denominar “industria do contrabando”. Nesa actividade participaron persoas de tódalas edades, sexos, e condicións sociais. De unha e outra ribeira do río Miño. A maior ou menor escala.

Esa actividade económica foi un reto constante entre contrabandistas e forzas da orde pública, na que somentes saían airosos os máis inxeniosos, os máis fortes, os que mellor coñecían o terreo por onde se movían – que non sempre era o máis favorable - e tamén, porque non deci-lo, os máis arriscados e os máis traballadores.

O contrabando era un negocio no que todos, de un xeito ou de outro, participaban. Os únicos perxudicados, por deci-lo así, eran os aparellos recadadores dos Estados español e portugués, que deixaban de perceber os correspondentes aranceis que eran de aplicación ás importacións e exportacións.

A actividade contrabandística permitiu tamén, dalgún xeito, combater ou cando menos, paliar, á situación de miseria na que nos atopábamos os cidadans de España e de Portugal. E había que buscarse á vida como fose, mesmo xogándose o pelexo. Por iso, hoxendía, cando a situación mudou sensiblemente, tanto en Portugal como en España, queremos desde eiquí e agora, render unha sinxela homenaxe aquelas mulleres e homes, que loitaron pola supervivencia dos seus, por mata-la fame, por axudar á modesta economía familiar, e sobor de todo, por resistir fronte a unha situación que viña dada pola belinxerancia internacional e tamén por estarmos daquela nunha díficil posguerra. Procurando avanzar cara a un futuro mellor que semellaba que non ía chegar nunca. Porque había moitos que non tiñan interese en que á situación de desigoaldade socioeconómica mudase (...)".

                           

O escritor Praxíteles González Martínez, asinando exemplares do seu novo libro, no local da exposición de obras da súa autoría

Segundo salientou o presentador, "(...) O contrabando permitiu que o diñeiro circulase, que algúns productos farmacéuticos, como a penicilina, chegasen a quen os precisaba. Que os repostos e neumáticos para os vehículos a motor entrasen polo río Miño de xeito cáseque provindencial, grazas ás persoas que comerciaban nese tipo de xéneros. Entre outros, como o café, metais - cobre, ouro e prata -, gando, peixe,... En todo caso, todos eles necesarios para o desenvolvemento económico das empresas do país.

E para rematar, xa que temos o pracer de presentar o novo libro de Praxíteles González Martínez, queremos tamén lanzar unha proposta: A creación de un Museo do Contrabando, ou polo menos, que algún concello da contorna, teña a ben adicar un espazo cultural a esa actividade. Coidamos que a pesares dos anos que xa pasaron, ainda podemos dispor de moito material que podería constituir os fondos desa entidade, que tería interese cultural, pedagóxico e mesmo sería un recurso turístico nada desdeñable.

A proposta queda dita. Como os tempos non son os máis favorables para certas iniciativas, e algúns consideran que a Cultura non lles da réditos, sempre nos quedará á satisfacción de poder disfroitar coa lectura do libro de Praxíteles González Martínez que estará á venda nas librarías de toda á comarca (...)". 

Deseguido interviu Praxíteles González Martínez, para referir algunhas anécdotas referidas á lectores de libros da súa autoría, que lle agradeceron poder disfroitar da súa lectura. 

Logo da intervención do escritor, veciño do Cotro (Pías), o alcalde do Rosal, igualmente veciño de Pías, salientou públicamente seu agradecemento á labor desenvolvida por Praxíteles González Martínez, xa que grazas a súa iniciativa foron publicadas varias obras da súa autoría, que contribúen  o acervo cultural do concello do Rosal.

Nunha nova intervención do escritor, éste agradeceu o respetable público súa asistencia, e seguido alcalde e concelleiras do Rosal, acompañados por Praxíteles González Martínez, iniciaron á visita das diferentes exposicións que se amosan nesta nova edición da Feira de San Gregorio. E fixéronno, escomenzando pola que presenta o polifacético Praxíteles González Martínez, na cal amosa diferentes creacións (maquetas de inmobles - entre elas á do Centro Cultural de A Guarda -, muiños, á ponte do Tamuxe, unha "cabaqueira", etc., así como figuras modeladas en barro, mapas, etc. da súa creativa autoría. 

                      

Nunha atractiva exposición, o polifácetico artista rosaleiro presenta unha variada mostra de obras da súa autoría  

O escritor e inquedo artista rosaleiro, tamén asinou exemplares de libros da súa autoría, nomeadamente o que onte se presentou "Yo también fuí contrabandista en el estuario del Miño", que xa se pode mercar nas librarías, o prezo de 15 euros.