A GUARDA

O LOCAL SINDICAL DE COMISIONS OBREIRAS ESTÁ PECHADO DESDE FINAIS DO MES DE FEBREIRO

Sen embargo, na porta de acceso non hai nada que informe dese feito

Infogauda / A Guarda

O local sindical que o Sindicato Nacional de  Comisions Obreiras de Galicia tiña aberto na vila de A Guarda desde o ano 1976, está pechado desde finais do pasado mes de febreiro de 2013. Sen embargo, na porta de acceso ás dependencias que CC.OO. tiña no entrechán do inmoble sito na rúa Concepción Arenal, nº 44, non hai - no intre de redactar esta información -, ningún aviso que informe dese peche, e tanto no telefonillo do portal de acceso o edificio, como na fachada do mesmo, figuran o logotipo da central e o rótulo da mesma. Iso, e o feito, segundo puido saber Infogauda, de que algúns afiliados non houbesen recibido información sobor do peche, está dando lugar a que varias persoas se dirixan a ese local, descoñecendo que o mesmo permanece pechado, como xa informáramos anteriormente. Ese feito, segundo manifestaron varios traballadores a este xornal, está xenerando desconcerto nas persoas que acuden para efectuar algún tipo de consulta sindical.