O SAN XEROME CAMPION DA LIGA
GALEGA DE BALONCESTO FEMININO 2012
José Carlos González Blanco / A Guarda
Despois dun ano de traballo, esforzo e sacrificio cumprindo un
duro plan de adestramentos, a tempada non
poido acabar mellor para o equipo
feminino de baloncesto da máxima categoría de competición (Fegaddi-Feddi).
Nos últimos dias dábamos conta
do éxito do equipo no Campionato de España de baloncesto
celebrado en Alicante, onde acadaron o terceiro posto.
Informamos hoxe dun novo éxito: o
primeiro posto na Liga galega de baloncesto, organizada pola Fegaddi (Federación galega de deporte
para persoas con discapacidade intelectual).
A última xornada da Liga tivo lugar no Pavillón do Porriño, onde unha vez máis fíxose patente a igualdade
entre o noso equipo e o segundo clasificado: as Esclavas de Mos. Un só punto de
diferencia fixo que nesta ocasión a balanza se
inclinara cara o noso lado.
O remate da xornada, o Alcalde do Porriño, Nelson Santos xunto con
varios concelleiros e representantes da Fegaddi fixeron entrega dos trofeos correspondentes:
María F. recolleu o trofeo da máxima categoría feminina. O equipo masculino do
Racing de Chapela foron os vencedores na
categoría masculina.
Ningún comentario:
Publicar un comentario