OS TEIXUGOS PRIMEIROS POR EQUIPOS NO CAMPIONATO GALEGO DE SLÁLOM
Informa (fotografías e texto): Rosa Fernández / Dumbría
O domingo 16 de setembro, celebrouse en Dumbría o Campionato Galego de Slálom, última das competicións oficiais de slálom desta tempada 2012. Os “Teixugos” acudiron con 10 dos seus deportistas, algúns dos cales participaron por partida dobre, nas categorías C1 e K1 correspondentes a súa idade. Aínda que tódolos deportistas fixeron un moi bo papel, destacan as catro medallas de ouro conseguidas por Marina Ruedas, Guillermo Martínez e Sara Vázquez, con dúas medallas en K1 e C1; dúas medallas de prata para Laura Alonso e Marina Ruedas e dúas medallas de bronce para Andrea González e Laura Alonso.
Na categoría de patrullas destacar o terceiro posto conseguido pola patrulla formada por Guillermo Martinez, Nicolás Ruedas e Alejandro Ochoa.
No reconto final por equipos o Club Deportivo Miño acadou o primeiro posto cun total de 249 puntos, seguido do Tea de Mondariz con 243 puntos e do Baiona con 185. Este é un inmellorable peche de tempada para o club, que non baixa a garda e prepara xa a tempada 2013.
Ningún comentario:
Publicar un comentario