TOMIÑO

Cata de Viños Brancos de plantacións e parcelas dos concellos de Tomiño e O Rosal 

Colaboura á Asociacion Galega de Viticultura (AGV)

                             Jorge Cardoso Mariño, Coordinador  da AGV no Baixo Miño

Infogauda / Tomiño

O próximo xoves día 9 de Agosto en  Olala Pub, de  Tomiño  a partires das 20.00 h. terá lugar una Cata de Viños Brancos de plantacións e parcelas dos concellos de Tomiño e O Rosal , coa  colaboración da Asociacion Galega de Viticultura (AGV), as  Adegas Aldea de Abaixo S.A.T. , Viñedos Vilachan e Gaudila e as Distribuidoras Disgobe de Vigo  e GHA de Tomiño.

“Este é o momento de ensinar o consumidor  que na subzoa do Rosal que comprende  entre outros os concellos de Tomiño e Rosal  se fan viños distintos, como o Rosal que é unha mestura  de variedades autóctonas como o Caiño e o Loureiro, sen esquecer o Albariño”, dixo a infogauda, Jorge Cardoso Mariño, Coordinador  da AGV no Baixo Miño.

“Entendemos que debemos demostrarlle a xente que non soio existe  o Albariño monovarietal. Que no mercado temos  algo distinto con outros matices e aromas”, engadiu o Coordinador da AGV.

A iniciativa  e de xerente de Olala Pub, Carlos Alberto Gándara  o cual nos afirmou “temos que ensinarlle a xente o producto que temos na zona e neste caso o viño, é fundamental  para toda economía que nos rodea, pero fundamentalmente ensinar a calidade que temos e que a xente deguste o noso “

Este evento será conducido polo sumillier Nacho Costoya, Campión de España 2010 no concurso de xefes de sala-metre realizado no IFEMA, de Madrid  no que se catarán viños que toda a súa producción é en viñedos do Baixo Miño dentro da D.O. Rías Baixas  e de uvas Albariña, Loureira e Caiño.

VIÑOS A CATAR

·         GRAN NOVAS (Albariño)

·         ALBANTA (Albariño)

·         SEÑORÍO DA TORRE (Rosal)

·         ALTOS DE TORONA (Rosal)

·         GAUDILA 2009 (Albariño criado sobre lías)