- Pepe Carreiro visitou o CEIP da Cruz de Camos.
- Ata o 12 de xuño hai tempo para inscribirse no campamento de verán do Concello de Gondomar.
- O Novo Proxecto Común presenta moción para o cobro do IBI á Igrexa Católica en Gondomar.
- O Concello de Baiona entregou os premios do I Concurso de Tapas "Bai de Tapas".
- Cinco praias do Val Miñor e os dous portos deportivos de Baiona reciben a Bandeira Azul 2012.
- Chega "Monte Galiñeiro", o primeiro CD da banda Os Irmandiños de Vincios.
- Co Consello Sectorial dividido comezan hoxe as xuntanzas parroquias sobre o PXOM de Nigrán.
|
Posted: 06 Jun 2012 02:29 PM PDT
 Os cativos do CEIP da Cruz de Camos viviron unha das xornadas educativas máis divertidas do ano. Pepe Carreiro, creador dos populares "Bolechas"visitou o centro e debuxou con eles este mércores 6 de xuño. Os rapaces viron como sobre o papel aparecían primeiro a lapis e logo con rotulador distintos personaxes das historias infantís. A actividade foi organizada polo equipo docente no marco do Proxecto de Normalización Lingüística do centro.   |
|
Posted: 06 Jun 2012 09:41 AM PDT
 Ata o 12 de xuño hai tempo para inscribir aos cativos de entre 3 e 12 anos no "Gondoverán" organizado pola Concellería de Igualdade de Gondomar. O campamento que se desenvolverá nas instalacións do colexio Chano Piñeiro, ten un límite de 70 prazas, destinadas a fillas e fillos de traballadores de Gondomar. A actividade desenvolverase durante todo o mes de xullo.  |
|
Posted: 06 Jun 2012 05:19 AM PDT
 O concelleiro Emilio García Crego (NPC-Gondomar), defenderá o cobro do IBI aos bens da Igrexa Católica no pleno municipal de Gondomar a celebrarse este xoves 7 de xuño. O mocionante sostén que a institución relixiosa "vive nun paraíso fiscal ilexítimo e presuntamente ilegal", onde goza de "enormes exencións fiscais", cando na súa opinión "a cidadanía sofre intensamente as desoladoras consecuencias da asfixiante crise económica".  |
|
Posted: 06 Jun 2012 04:31 AM PDT
 Nun acto público, celebrado este mércores 6 de xuño pola mañá no Salón de Plenos do Concello de Baiona, foron anunciadas as tapas premiadas do I Concurso de Tapas de Baiona "Bai de Tapas". Os premios outorgados polo xurado foron os seguintes:  |
|
Posted: 06 Jun 2012 04:16 AM PDT
 A Fundación Europea de Educación Ambiental galardonou esta mañá coa Bandeira Azul 2012, ás praias Os Frades, Santa Marta e A Barbeira do concello de Baiona, así como as de Nigrán, Praia América e Patos. O mesmo galardón foi outorgado na categoría Portos ao Monte Real Club de Yates de Baiona e ao Porto Deportivo de Baiona.  |
|
Posted: 06 Jun 2012 01:40 AM PDT
 Logo de máis de sete anos de presentacións por toda Galicia, Os Irmandiños de Vinciosrexistraron 16 dos seus mellores temas nun disco que terá luz pública na primeira quincena de xullo. O título da obra prima non podería ser outro: "Monte Galiñeiro".  |
|
Posted: 06 Jun 2012 01:02 AM PDT
 O goberno de Nigrán comeza este mediodía unha rolda de xuntanzas nas sete parroquias do municipio cara a informar aos representantes das asociacións do Consello Sectorial sobre os contidos do Plan Xeral de Ordenación Municipal. Nun principio as reunións terán unha duración de 1 hora e se limitarán ao tratamento de aspectos do documento só relativos ao ámbito das parroquias. A metade das asociacións do consello consultivo non estarán presentes por desaprobar a xuntanza diversificada por parroquias e principalmente pola falta de acceso ao documento.
O concello publica na súa páxina web 1 plano dos 91 documentos que conforman o PXOM completo, así como os informes sectoriais da Xunta de Galicia,.
|
Ningún comentario:
Publicar un comentario