VAL MIÑOR

• 35 veciños asinan en Morgadáns unha declaración voluntaria para que as súas lápidas sexan en galego.
• Peche das actividades Animación á Lectura na Biblioteca Municipal de Nigrán
• O goberno de Gondomar aproba por maioría un creto de 1.657.261,82 € para o pago de provedores.
• O BNG de Gondomar presentará a súa nova faciana na parroquia de Couso.
• Curso de surf para mozas maiores de 15 anos en Nigrán.
• Unha avaría deixa fóra ao equipo do BMW M3 no Rallye Comarca da Ulloa.
• O cómic portugués centra o encontro desta tarde no club de Lecturas Debuxadas de Espazo Lectura.

35 veciños asinan en Morgadáns unha declaración voluntaria para que as súas lápidas sexan en galego. Posted: 15 May 2012 03:18 AM PDT O pasado domingo 13 de maio, 35 veciños de Gondomar asinaron unhadeclaración voluntariade reafirmación da súa galeguidade "fronte un dos momentos máis transcendentes da vida, o da morte", ca manda para os seu herdeiros "da protección do legado cultural e lingüístico de Galicia". Entre outras manifestacións, os asinantes rexistraron o seu pedido expreso de ser lembrados nas súas lápidas cunha inscrición en lingua galega. O acto tivo lugar no marco da iniciativa "En Galego agora e sempre", que desenvolveuse na Entidade Menor Local de Morgadáns.

Peche das actividades Animación á Lectura na Biblioteca Municipal de Nigrán Posted: 15 May 2012 01:39 PM PDT A campaña "Letras Vivas 2012" pechará o seu ciclo de actividades de animación á lectura para os máis pequenos, unha iniciativa da concellaría de Turismo, Cultura e Deportes do Concello de Nigrán, en colaboración coa Xunta de Galicia, que comezara o pasado mes de maio.

O goberno de Gondomar aproba por maioría un creto de 1.657.261,82 € para o pago de provedores. Posted: 15 May 2012 04:10 AM PDT - Nacionalistas denuncian: "É a primeira vez na historia que o Pleno de Gondomar aproba un préstamo sen saber as condicións económicas nas que vai ser concertado" - A concelleira de Facenda, Natalia Salgueiro (CDL), asegurou que a firma da operación "axudará enormemente a sanear a economía local".

O BNG de Gondomar presentará a súa nova faciana na parroquia de Couso. Posted: 15 May 2012 05:07 AM PDT O BNG de Gondomar informa que este martes 15 ás 20:30 horas, celebrará un encontro coa veciñanza de Couso na Casa Veciñal da parroquia. Ao mesmo concorrerán os novos responsables do Consello Local, integrado por Álvaro Lores, responsábel local, Marta Dacosta, vicerrresponsábel local, Bieito A. Lobariñas, responsábel de organización e Ana Bringas, responsábel de finanzas.

Curso de surf para mozas maiores de 15 anos en Nigrán. Posted: 15 May 2012 01:32 AM PDT A concellaría de Patrimonio, Igualdade e Xuventude organiza un curso de surf destinado a mozas maiores de quince anos, co fin de fomentar a actividade deportiva feminina. O curso dará comezo o próximo 29 de maio. Para máis información e inscricións dirixirse ao CIM do Concello de Nigrán, na Estrada pola Vía 65, Panxón, ao teléfono 986383081 ou no correo electrónico cim@nigran.org.

Unha avaría deixa fóra ao equipo do BMW M3 no Rallye Comarca da Ulloa. Posted: 15 May 2012 12:54 AM PDT Este fin de semana celebrábase a V edición do Rallye Comarca da Ulloa, onde o equipo do BMW M3 estaba inscrito cos seus pilotos Fernando Silva e JJ Nieves.

O cómic portugués centra o encontro desta tarde no club de Lecturas Debuxadas de Espazo Lectura. Posted: 15 May 2012 12:34 AM PDT Este martes 15 de maio, a sesión do club de cómic Lecturas Debuxadas, organizada por Espazo Lectura, estará dedicada á novela gráfica Agencia de viajes Lemming(Astiberri) do autor portugués José Carlos Fernandes. A cita é na Biblioteca Municipal de Gondomar a partir das 20:00 horas.