OIA

FESTAS DO SANTÍSIMO EN PEDORNES

Manuel Ángel Pombal Diego / Pedornes

A parroquia de Pedornes (concello de Oia) celebra as festas do Santísimo dende o 17 ao 19 de Maio. O día 17 comezarán as festas ás 11.00 h cunha sesión vermouth que contará cun inchable (o Castelo Spiderman de 5 m de longo por 5,5 m de ancho) que estará instalado dentro do Centro Cultural, polo que se poderá usar independentemente das condicións climatolóxicas), e será gratuíto para todos os nenos que se acerquen por Pedornes. Pola tarde, a partir das 16.00 h, os nenos poderán seguir gozando do inchable gratuíto ata que remate a xornada. A partir das 19.00 h haberá bocatas de chourizo e de bisté a prezos populares. Ás 20.30 h a banda de música “Escuela de Música de Mougás” que está formada por uns 30 nenos dirixidos por D. Luís Giráldez dará un concerto no Centro Cultural da parroquia.

O día 18, a partir das 16.00 h poderase gozar, de novo, do inchable gratuíto ata que remate a xornada. A partir das 22.00 h a verbena estará amenizada pola charanga “Nova Cubana” de Mougás e a orquestra “Ciudadevigo”.

O sábado día 19 comezará a xornada cunha salva de bombas e continuará con pasarrúas a cargo da banda de música “Unión Musical de Salvaterra de Miño”. Ás 12.30  h celebrarase a misa solemne con sermón e procesión, que estará cantada pola Coral Vagalume de Oia. 

Xa pola tarde, ás 19.30 h a citada banda de música de Salvaterra de Miño ofrecerá un concerto no Centro Cultural. A última verbena estará amenizada polo grupo “Acirema” e a orquestra “Nuevo Milenium”.

Os membros da comisión de festas deste ano aproveitan a ocasión para agradecer moi sinceramente o esforzo feito polos veciños de Pedornes e dos arredores para que estas festas sexan unha realidade nos tempos que corren.

Grazas e ¡Felices Festas a todos!