OURENSE

CARMEN TOUZA INAUGURA EN OURENSE ANTES DE VIAXAR A USA E CHINA

Infogauda / Ourense

A pintora Carmen Touza inaugura esta tarde no Centro Cultural da Deputación a exposición “Cores perfumadas”, que posteriormente viaxará a Miami, Nueva York, Pekin, Shangai e Hong-Kong, estas últimas cunha colaboración co goberno chinés.
A mostra, que ten un marcado carácter orientalista, está dedicada ao falecido pintor e poeta chino-americano Walasse Ting, gran amigo da pintora, e ven marcada pola intensidade da cor, a sensualidade e a delicadeza.

Tanto a pintora coma o comisario da mostra, Modesto Contreras, loubaron o apoio da Deputación á cultura e aos artistas. “Non hai ningunha deputación en Galicia que faga o que fai a de Ourense, deberían copiar o que se fai aquí”, dixeron.

O director do Centro Cultural agradeceu as súas palabras e remarcou o esforzo que para a institución supón cada mostra, engadindo que “tentamos darlle a dignidade que merecen, tanto os artistas como este fermoso edificio”.

A mostra poderá visitarse ate mediados de agosto, polo que se ofrece como un atractivo para os visitantes neste verán.