A GUARDA

O CASTELO DE SANTA CRUZ: UN PATRIMONIO QUE OS GUARDESES QUEREN COÑECER E DISFROITAR SEN MÁIS DEMORA

Infogauda / A Guarda

Logo de ler as decraracións de intencións do grupo chamado de goberno do concello de A Guarda, sobor do Castelo ou Fortaleza de Santa Cruz, consideramos que a algúns políticos o "valor" se lles supón, porque despois de catro anos de estaren en postos de responsabilidade municipal, ben pouco, por non decir nada, poden presentar digno de mención, diante dos cidadáns de A Guarda, en particular, e de Galicia e do resto do Estado español, en xeral. Porque o Castelo - ou Fortaleza - de Santa Cruz, ubicado no termo municipal de A Guarda, presenta un lamentable estado, como en Infogauda xa deixamos constancia en máis dunha ocasión. E iso non é digno nin para A Guarda nin para os guardeses.

Desde que á Consellaría de Cultura e Deporte, con Ánxela Bugallo, daquela titular da mesma, investiu en 2006 unha boa morea - 909.000,00 euros - de cartos públicos, nas obras de "Rehabilitación e Posta en Valor do Castelo de Santa Cruz, en A Guarda" ata o día de hoxe, o concello de A Guarda non fixo os deberes. Nin siquera acertou á manter en perfecto estado de revista ás obras feitas. Por iso, o balanzo da xestión do equipo chamado de goberno, no que respecta a devandita fortaleza, é negativo.

Que agora veñan o alcalde e o concelleiro de Patrimonio a "vendernos" seus desexos, ven a pór - unha vez máis -, de manifesto, súa nula xestión nestes últimos catro anos nos que tiveron unha inmerecida maioría absoluta. E non somentes quedan en evidencia pola súa nula xestión no que atinxe a Fortaleza de Santa Cruz, senón que para teren á profesión que teñen, tanto o alcalde como o concelleiro de Patrimonio, semella que descoñecen á protección xurídica coa que conta o devandito Castelo de Santa Cruz, e así o deixaron de manifesto na correspondente nota de prensa - con foto incluida - que remesaron a algúns medios de comunicación social. Decir, por exemplo: "(...) El castillo de Santa Cruz, una fortaleza defensiva situada en el centro urbano de A Guarda construida entre los años 1663 y 1664 por el capitán general de Galicia Luis de Poderico, tiene avanzados los trámites para su declaración como Bien de Interés Cultural (BIC)", evidencia o presunto descoñecemento, por parte de alguén, que a devandita fortaleza xa "(...) é obxecto de protección polo Decreto de 22 de abril de 1949 sobre protección dos Castelos Españois e posúe consideración de Ben de Interese Cultural pola disposición adicional segunda da Lei 16/95 de Patrimonio Histórico Español. Asemade, segundo a Disposición adicional primeira da Lei 8/1985 do 30 de outubro, de Patrimonio Cultural de Galicia os elementos decrarados B.I.C. na lei estatal pasan a teren á consideración de B.I.C. na lexislación autonómica. Non ten nembargantes, unha decraración específica (...)".

Compre salientar igoalmente que a nivel da Unión Europea "os castelos españois foron catalogados en 1968 no Inventario do Patrimonio Cultural Europeo, baixo o epígrafe de arquitectura militar".

Por outra banda, a Comisaría Xeral de Patrimonio Artístico Nacional da Dirección Xeral de Belas Artes, polo Decreto de 22 de abril de 1949 sobre protección dos Castelos Españois dí: "(...) todos los castillos de España, cualquiera que sea su estado de ruina, quedan bajo la protección del Estado, que impedirá toda intervención que altere su carácter o pueda provocar su derrumbamiento". Por este decreto posúe consideración de Ben de Interese Cultural pola disposición adicional segunda da lei 16/85 de Patrimonio Histórico Español".

No que atinxe a Xunta de Galicia, "(...) segundo á disposición adicional Primeira da lei 8/1995 do 30 de outubro, de Patrimonio Cultural de Galicia os elementos decrarados BIC na lei estatal pasan a teren consideración de BIC na lexislación autonómica. Ademáis no Título I, Capítulo I, artigo 14 de la lei de 8/1995, o castello de Santa Cruz aparece consignado no rexistro de bens de Inteese Cultural de Galicia na listaxe da provincia de Pontevedra, concello de A Guarda".

UN SENTIMENTO XERALIZADO: OS GUARDESES QUEREN ACCEDER O CASTELO DE SANTA CRUZ

O que é indubidable é o sentimento xeralizado que ten á cidadanía guardesa de que a pesares de haberen pasado varios anos desde que o Concello de A Guarda pasou a ser propietario do Castelo de Santa Cruz, como contrapartida a un convenio urbanístico cos anteriores propietarios da fortaleza e dos terreos colindantes; a día de hoxe, agás uns poucos veciños, o pobo non puido acceder a ese recinto fortificado. Tamén hai que salientar que non poucos guardeses consideran que visto o visto, máis valía que o Castelo de Santa Cruz, continuase sendo propiedade particular e non ter que aturar para sempre, as edificacións que hoxendía configuran unha "pantalla" que vai se-la "herencia" que algúns corporativos nos deixaron os guardeses de hoxendía e do futuro.

En calquer caso, moitos veciños agardan con impaciencia o intre de acceder o interior do recinto fortificado denominado Castelo de Santa Cruz. Somentes coñecéndoo e coñecendo súa Historia, será como o pobo sinta como própio ese ben que a pesares das innumerables agresións que tivo o longo dos tempos, forma parte do Patrimonio Arquitectónico e Histórico de A Guarda. Seus 21.000 m2 de superficie e 900 m. de perímetro, fan dese recinto abaluartado, un encrave óptimo para o disfroite de própios e visitantes.

É responsabilidade dos poderes públicos facer posible que á cidadanía acade sen demora á que poderíamos denominar soberanía do Castelo de Santa Cruz.
Novas relacionadas:
Vecinos de A Guarda denuncian el deterioro del entorno de Santa Cruz


Documento sobor do Castelo ou Fortaleza de Santa Cruz (A Guarda)


Esto es el entorno del "CASTILLO DE SANTA CRUZ", y antes...

Para saber máis:

Castillo de Santa Cruz