Infogauda / Pontevedra
O presidente da Deputación de Pontevedra e vicepresidente do Consello Directivo de Unimiño, Rafael Louzán, acompañado polo alcalde de Mondariz Balneario, José Antonio Lorenzo, o presidente do Eures-Transfronteirizo Norte de Portugal-Galicia, Avelino Araujo, e o presidente da CCDR-N-Comisión de Coordinación e Desenvolvemento Rexión do Norte, Carlos Cardoso, inaugurará mañá, 21 de maio, ás 10:00 horas o IV Foro do Val do Miño Transfronteirizo. O acto terá lugar no Balneario de Mondariz e nel intervirán máis de 20 poñentes procedentes de diferentes entidades de Galicia e Norte de Portugal.
Este evento se desenvolve no ámbito do Proxecto CoopMinho, Reforzo da Cooperación Institucional no Val do Miño Transfronteirizo, apoiado polo Programa de Cooperación Transfronteiriza Portugal-España (POCTEP) e Unimiño (Asociación do Val do Miño Transfronteirizo) que ten como asociadas a Asociación de Municipios do Val do Miño e a Deputación Provincial de Pontevedra.
Os temas centrais sobre os que xirarán as intervencións son: o emprego, os servizos públicos e a cooperación institucional entre ambas rexións. As ponencias estarán estruturadas en catro bloques temáticos: “O reforzo do territorio do Val do Miño Transfronteirizo”, “O emprego Transfronteirizo na Eurorrexión Galicia-Norte de Portugal”, “Contribucións doutros proxectos de cooperación para a conexión do Val do Miño Transfronteirizo”, e, por último, “Novas experiencias de cooperación institucional”.
Unimiño
Unimiño, constituída por 21 concellos (16 de Galicia e 5 do Val do Miño portugués), ten cerca de 190.000 habitantes, e pretende coa promoción deste Foro reunir un conxunto de persoas e institucións dos dous lados da fronteira que procurarán debater as cuestións fundamentais en torno aos temas Emprego, Cooperación Institucional e Servizos Públicos.
Ningún comentario:
Publicar un comentario