A GUARDA

XERMÁN TORRES, GAÑADOR DO XXIII PREMIO POÉTICO FELICIANO ROLÁN

Infogauda / A Guarda

A Agrupación Cultural Guardesa vén de comunicar o fallo do xurado do XXIII Certame de Poesía Feliciano Rolán, nos seguintes termos:

O día 30 de xullo do presente ano tivo lugar a reunión do Xurado Cualificador do XXIII Certame de Poesía Feliciano Rolán, convocado pola Agrupación Cultural Guardesa.

Formaron parte do Xurado Don Isaac Penela Carbajales, Licenciado en Teoloxía, escritor, dramaturgo, editor de “A Nosa Lucha”, vicario do Rosal; Don Joaquín Miguel Villa Álvarez, Doutor en Historia Contemporánea, historiador e investigador, mestre no colexio PP. Somascos; Don Ricardo Rodríguez Vicente, correspondente do xornal Faro de Vigo, administrador do xornal dixital Infogauda e investigador local; Dona Chuni Vázquez, poeta e escritora; Dona Fátima Pérez Sobrino, licenciada en Filoloxía Hispánica.

Resultaron premiados os seguintes poetas:

1º Premio, Don Xermán Torres, de Vilagarcía de Arousa, polo poema Lema: De Profundis.

2º Premio, Dona Cruz Martínez Vilas, de Vigo, polo poema Se cadra son pequena de máis.

3º Premio, Dona Rosa Martínez Vilas, de Vigo, polo poema A vacaloura dos meus soños.

Accésit, Dona Isaura Lago Álvarez, de Redondela, polo poema Sueños.

A entrega dos premios terá lugar o vindeiro mércores 5 de agosto ás 21:30 horas no Centro Cultural da Guarda durante un acto cultural poético. Actuará a pianista guardesa María Alonso Vázquez

Esperamos contar coa súa estimada presenza neste acto. Saúdos con afecto

A Guarda, 31 de xullo de 2009


A Presidenta A Secretaria


Julia Sobrino María Soledad Diz