GALICIA

A Xunta achega 300.000 euros para ás agrupacións de voluntarios de Protección Civil

Serán 112.000 euros para a provincia da Coruña, 65.000 para Pontevedra, 47.000 para Lugo e 76.000 euros para Ourense

O concello de A Guarda - que desde fai tempo non tén en funcionamento a Agrupación de Voluntarios de Protección Civil - tamén figura entre os beneficiarios das axudas

Infogauda / Santiago de Compostela

A Xunta de Galicia destinará un total de 300.000 euros a subvencións para as agrupacións de voluntarios de Protección Civil. Poderán ser beneficiarias das axudas as agrupacións que estean inscritas –ou teñan solicitada a súa inscrición- no Rexistro de Agrupacións de Voluntarios de Protección Civil; que teñan dependencia dun concello ou mancomunidade destes; que, de ter recibido subvencións en anos anteriores, xustificasen o seu investimento e liquidación; que expresen o seu consentimento a facer públicos os datos referidos ás axudas recibidas; e que non teñan pendente o pagamento de ningunha débeda coa Administración Pública da Comunidade Autónoma, entre outros.
Destino das axudasAs subvencións xerais poderán ser investidas en equipamento e vestimenta para o persoal, gastos ocasionados durante as actuacións levadas a cabo pola agrupación en materia de protección civil –así como os ocasionados pola conservación e mantemento da súa base e os de comunicación-, pagamento de seguros, formación dos seus compoñentes, gastos ocasionados na atención de peregrinos, e equipamento e material informático.
Para a concesión destas axudas téñense en conta unha serie de criterios de avaliación que inclúen a porcentaxe de voluntarios asegurados da agrupación e a cifra total de inscritos; a calidade na resposta aos requirimentos de intervención; a existencia de riscos especialmente graves no concello – de acordo co establecido no Platerga e demais plans de protección civil-; o número de horas de formación na Academia Galega de Seguridade Pública (AGASP) dos membros do grupo ao longo do ano 2008; a existencia dun terminal remoto conectado co Centro de Atención ás Emerxencias 112 Galicia e a utilización da lingua galega en todas as actividades educativas de prevención e nas publicacións e informacións sobre medidas de autoprotección dirixidas á poboación.
O obxectivo da Xunta, unha vez resolta xa a orde de 2009, é que no vindeiro ano 2010 estas axudas ás agrupacións de voluntarios de Protección Civil rexistren un notable incremento na súa contía, de tal xeito que permitan facer unha especial incidencia nas zonas costeiras e nos concellos do Camiño de Santiago, como medida especial ante a celebración do Ano Xacobeo 2010.
Distribución das axudas por concellos

Os concellos que recibirán as axudas no presente exercicio son, na provincia da Coruña: Arteixo, Miño, A Coruña, Laracha, Pobra do Caramiñal, Ares, Arzúa, As Pontes de García Rodríguez, Bergondo, Betanzos, Boiro, Boqueixón, Brión, Cabana de Bergantiños, Cabanas, Cambre, Carballo, Carnota, Carral, Cedeira, Corcubión, Coristanco, Culleredo, Dumbría, Fene, Ferrol, Fisterra, Laxe, Lousame, Malpica, Melide, Mugardos, Muros, Muxía, Narón, Neda, Noia, Oleiros, Ordes, Oroso, Ortigueira, Outes, Paderne, Padrón, Ponteceso, Pontedeume, Porto do Son, Rianxo, Ribeira, Rois, Santa Comba, Santiago, Teo, Valdoviño, Vedra, Vimianzo, Zas e Val do Dubra. En total estes concellos coruñeses recibirán 112.000 euros en concepto de axudas.
Pola súa banda, na provincia de Lugo serán 31 os municipios que reciban achegas por valor de 47.000 euros: A Fonsagrada, A Pobra do Brollón, A Pontenova, Baleira, Barreiros, Becerreá, Burela, Carballedo, Cervo, Chantada, Folgoso do Courel, Foz, Guitiriz, Lourenzá, Meira, Mondoñedo, Monforte de Lemos, Monterroso, O Incio, O Valadouro, O Vicedo, Ourol, Palas de Rei, Pol, Quiroga, Ribadeo, Ribas de Sil, Sarria, Taboada, Vilalba e Viveiro. Tamén recibirá subvención a asociación Axuda Cidadá da Mariña Lucense.
En Ourense hai 52 localidades ás que están destinadas estas axudas: Allariz, Amoeiro, Vilamarín, A Bola, A Gudiña, A Mezquita, A Rúa, A Veiga, Avión, Baltar, Bande, Baños de Molgas, Barbadás, Beariz, Calvos de Randín, Carballeda de Avia, Cartelle, Castrelo de Miño, Castro Caldelas, Chandrexa da Queixa, Coles, Entrimo, Esgos, Larouco, Laza, Lobios, Maceda, Muíños, Nogueira de Ramuín, O Carballiño, Os Blancos, Ourense, Paderne de Allariz, Parada de Sil, Petín, Piñor, Porqueira, Rairiz de Veiga, Ribadavia, Riós, San Cibrao das Viñas, Sandiás, Sarreaus, Toén, Trasmiras, Verín, Viana do Bolo, Vilar de Barrio, Vilardevós, Vilariño de Conso, Xinzo de Limia, O Barco de Valdeorras e as Mancomunidades do Ribeiro e de Navea-Bibei. A achega para estas entidades locais será de 76.000 euros.
Por último, en Pontevedra obterán 65.000 euros de subvención os concellos de Agolada, Bueu, Caldas de Reis, Cangas do Morrazo, Cerdedo, A Estrada, A Guarda, Cambados, Catoira, Forcarei, Lalín, Meis, Moaña, O Grove, O Porriño, Poio, Pontecesures, Pontevedra, Portas, Redondela, Ribadumia, Rodeiro, Salceda de Caselas, Silleda, Valga, Vigo, Vila de Cruces, Vilaboa, Vilagarcía de Arousa, Vilanova de Arousa, Tomiño e a Mancomunidade do Val Miñor.

Fonte: Xunta de Galicia

Nota da Redacción de Infogauda:

Logo de unha serie de actuacións, supostamente non vencelladas o servicio para o cal fora creada, a Agrupación de Voluntarios de Protección Civil do Concello de A Guarda, deixou de prestar seus servicios. A pesares desa circunstancia, a devandita Agrupación de Voluntarios de Protección Civil vén recibindo axudas económicas da Administración, neste caso, do Goberno Autonómico, como informa no día de hoxe, a própia Xunta de Galicia. Non deixa de ser curioso que unha presuntamente inexistente Agrupación de Voluntarios de Protección Civil pode recibir nin un soio céntimo de euro, veña da Administración que veña, cando non temos constancia de que haxa ningún tipo de operativos nos que interveñan os membros da devandita Agrupación. Se estamos errados pregamos que alguén nos esprique como pode ser, que unha agrupación que supostamente non existe - alomenos non temos constancia da súa existencia nin tampouco, e desde fai anos, de que seus compoñentes veñan intervindo en ningún operativo no termo municipal de A Guarda -, reciba axudas económicas públicas.

Temos constancia da existencia do Grupo de Intervención Rápida (GRUMIR), cuios compoñentes teñen desenvolvido diferentes actuacións tanto no termo municipal de A Guarda como en concellos da contorna. Pero coidamos que os compoñentes do GRUMIR non son voluntarios, senón persoal contratado e debidamente retribuído para as labores que lles corresponden. Por iso, non deixa de sorprendernos que a Agrupación de Voluntarios de Protección Civil de A Guarda esté "viva", e por iso, o Concello de A Guarda viu recibindo achegas económicas - e polo que se ve, seguirá recibíndoas - para unha Agrupación, que para nós, e namentras non se demostre o contrario, coidamos que non existe de facto. Se estamos equivocados, agradeceríamos que o concelleiro de Protección Civil, nos sacase do noso posible erro.