"Flúe", de Mª Elena Cividanes Álvarez
Infogauda / A Guarda
Observando de vagar a obra que vén de realizar a pintora de Salcidos, María Elena Cividanes Álvarez, e que preside este breve comentario, ollamos a forza dinámica da auga que flúe en cabriolas brillantes, cantarina e fresca, pola milenaria fervenza onde a vida está presente desde os primeiros intres en que os deuses crearon o mundo.
A vida xurde da auga, como xurdiron eses árbores que asisten impávidos, en primeira fila, o grandioso espectáculo acuático, que por intres vai in crescendo para amainar máis adiante, no estío que cada día está máis próximo.
Xa cantan os grilos nesta nova primaveira e o ciclo vital amósase na anovada paisaxe. E ahí está Elena Cividanes Álvarez, cabalete, lenzo e pinceis en ristre, disposta a reflectir coa súa persoalísima creatividade, o engado da auga, as árbores estáticas que coma narcisos, adoitan ollarse no seu espello.
É a nova estación que nos eleva o ánemo co doce canto das rolas, dos merlos, dos xílgaros, dos grilos, ..., e do cuco.
Ningún comentario:
Publicar un comentario